HPG: 1 helîkopter ame warardene, 10 îşxalkerî ameyî cezakerdene

Nêzdîbîyayîşê Hemleya 15ê Tebaxe reyde çalakîyê gerîlayan zêdîyayî. Çalakîyanê gerîlayanê azadîye de 10 îşxalkerî ameyî cezakerdene, 1 helîkopterê hêrişî ame warardene û 1 wesayîto zirxîn ame îmhakerdene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalkeran de eşkerayîyêke daye. Eşkerayîye wina ya:

''Çalakîyanê selamkerdişê Roşanê Gandarbîyayîşî yê bi ruhê Hemleya 15ê Tebaxe de derbê giranî dîyayî îşxalkeran ro. Çalakîyanê gerîlayanê azadîye de 10 îşxalkerî ameyî cezakerdene, 3 îşxalkerî birîndar bîyî, 1 helîkopterê hêrişî ame warardene û 1 wesayîto zirxîn ame îmhakerdene. 

Artêşa îşxalkera ke vera çalakîyanê tîmanê hereketînan bêçare menda, reyna sûcanê şerî kena. Artêşa îşxalkere Warê Xoverdayîşî 42 reyî pê çeka nuklerê taktîkî û çekanê kîmyewîyan, 12 reyî pê teyarayanê şerî, 15 reyî pê helîkopteranê hêrişî û bi desan reyî pê obus, hawan, tank û çekanê giranan dayî bombayan ver.

Detayê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Şehîd Savaş Maraşî ya Cengê Xabûrî de

2ê tebaxe de mabênê Girê Maymun û Girê Sînekî yê Şirnexî de wesayîto zirxîn ê îşxalkeran hetê tîmanê ma yê YJA-Starî ra pê taktîkê sabotajî bi hawayêkê bitesîrî ame pirodayene. Çalakîye de wesayîto zirxîn ame îmhakerdene, 8 îşxalkerî ameyî cezakerdene û 3 îşxalkerî zî birîndar bîyî.

4ê tebaxe de ma pare kerdbi ke yew helîkopter hetê hêzanê ma yê YJA-Starî ra amebi pirodayene. Ame qetîkerdene ke no helîkopterê bi tîpê ATAKî dima hetê hêzanê ma ra ame warardene.

4ê tebaxe de Başûr de qereqolê Kanîmasî yê îşxalkeran hetê tîmanê hereketînan ê YJA-Starî ra pê çekanê giranan ame hedefkerdene û ame derbkerdene.

4ê tebaxe de Warê Xoverdayîşî yê Girê Cûdîyî de îşxalkerî pê taktîkê suîkastî ameyî pirodayene û 1 îşxalker ame cezakerdene.

4ê tebaxe de îşxalkerê ke waşt mewzîyê şerî yê Warê Xoverdayîşî yê Girê FMyî bi çekanê giranan bidê bombayan ver ameyî pirodayene û 1 îşxalker ame cezakerdene.

4ê tebaxe de yew helîkopterê bi tîpê Skorskyî wexto ke waştêne Warê Xoverdayîşî yê Girê Cûdîyî de leşkeran bîyaro war ame derbkerdene û helîkopter rema.

Çarçewa Hemleya Şorişgêre ya Bazanê Zagrosî de, herêma Avaşînî de;

4ê tebaxe de 1 kepçeyo ke xîret kerdêne tunelanê şerî yê Warê Xoverdayîşî yê Werxelê biirjno ame derdbkerdene.Çalakîye ra dima îşxalkerî neçare mendî ke vinderê.

4ê tebaxe de Warê Xoverdayîşî yê Girê Werxelê de 1 dron ame derbkerdene.

Çarçewa Hemleya Şorişgêre ya Bazanê Zagrosî de herêma Zapî de;

4ê tebaxe de Warê Xoverdayîşî yê Çemçoyî de îşxalkerî pê çekanê giranan ameyî derbkerdene.

Hêrişê ke artêşa îşxalkere pê bombaya nuklere û çekanê kîmyewîyan kerdê;

4ê tebaxe de Warê Xoverdayîşî yê Girê Cûdîyî 3 reyî, Warê Xoverdayîşî yê Werxelê 30 reyî, Warê Xoverdayîşî yê Şikefta Birîndaran 6 reyî, Warê Xoverdayîşî yê Çemçoyî 3 reyî dîyayî bombayan ver.

Hêrişê ke artêşa îşxalkere pê obus, helîkopter û teyarayanê şerî kerdê:

4ê tebaxe de Warê Xoverdayîşî yê Girê Amedîyê de têgêrayîşê dronan qewimîya.

4ê tebaxe de Girê Zengilî yê Garê, Warê Xoverdayîşî yê Girê Amedîyê, Sîda, Girê Cûdî, Girê FMyî, Kurojahro, Şikefta Birîndaran dîyayî bombayan ver.''