Merkezê Îrtîbatî û Çapemenîye yê HPGyî da zanayene ke Gerîlayanê Azadîye yê Kurdîstanî semedê selamkerdişê 15ê Tebaxe Roşanê Ganîbîyayîşî yê Neteweyî çalakîyê bitesîrî kerdî û nê pare kerdî:

Hemleya Şorişgêre ya Bazanê Zagrosî

''1ê tebaxe de konvoyê artêşa tirke yo ke Colemêrg de Şemînan ra ravêtêne Rubarokî hetê hêzanê ma yê YJA Starî ra  nizdê dewa Lavreza de bi taktîkê sabotajî ame pirodayene. Çalakîye de wesayîtêkê tîpê Kirpî ame îhakerdene û 3ê leşkerê  payeberzî û 4 kontrayî ameyî cezakerdene. Badê çalakîye herême de operasyon dîya destpêekrdene û dima ra destveng peyser ame antene.

Hemleya Şorişgêre ya Şehîd Savaş Maraşî yê Cengê Xebûrî

3ê tebaxe de Warê Xoverdayîşî yê Girê Cûdîyî de îşxalkerî di hetan ra ameyî pirodayene. Çalakîye de 4 îşxalkerî ameyî cezakerdene 2 mewzîyî ameyî îmhakerdene û mewzîyêke ameye derbkerdene. Eynî roje çalakîyanê cîya cîyanan ê Warê Xoverdayîşî yê Girê Amedîyê de 5 îşxalkerî ameyî cezakerdene, îşxalkerêk birîndar bi û xeylêk malzemeyê leşkeran ame destfînayene. Semedê îspatkerdişî kaskê îşxalkerê bi nameyê Haydar Çelîkî ame destsernayene. Warê Xoverdayîşî yê Girê FMyî de zî hetê hêzanê ma yê YJA Starî ra helîkopterêk ame derbkerdene û gama ke agêrayêne venqê teqayîşê pîlî ame. Teyarayanê şerî warê helîkopterî da bombayan ver.

Hemleya Şorişgêre ya Bazanê Zagrosî – Avaşîn

1ê tebaxe de mabênê Neqaba Tenî û Girê Şehîd Arnosî yê warê Mamreşoyî de wasayîtê Tîpê Reoyî ame pirodayene. Netîceya çalakîye de wesayît ame îmhakerdene, 3 îşxalkerî ameyî cezakerdene, îşxalkerêk birîndar bi.3ê tebaxe Warê Xoverdayîşî yê Werxelê de 4 kamerayê mobese ameyî îmhakerdene.

Hemleya Şorişgêre ya Bazanê Zagrosî – Zap

2ê tebexe de Warê Xoverdayîşî yê Çemçoyî de mabênê hêzanê ma û îşxalkeran de pêkewtişî qewimîyayî. Netîceya pirodayîşanê bitesîran ê hêzanê ma de 2 îşxalkerî ameyî cezakerdene û îşxlakerêk birîndar bi. 3ê tebaxe de  Warê Xoverdayîşî yê Şikefta Birîndara de îşxlakerêk ame cezakerdene.

Bombarduman

Artêşa tirke ya îşxalkere 3ê tebaxe de reya pê çekanê kîmyewîyan, helîkopter, teyara û obusan Warê Xoverdayîşî yê Werxelê,Karke,  Çemço ,Girê Amediyê, Saca, Kokerê, Girê FMî û dormeyê dewa Gundê Girê yê Garê û warê Şehîd Pilingî yê Metîna dayî bombayan ver.''