Merkezê Çapemenîye û Îrtîbatî yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîya nuştekîye daye û nê pare kerdî:

Hemleya Şorişgêre ya Cengê Xabûrî

''2ê Hezîrane de Qilê Şehîd Çîya yê herêma Metîna de vera îşxalkeran hîrê hetan ra çalakîyêka koordînekerdîye ameye kerdene. Çalakîye de yewê înan payeberz 4 îşxalkerî ameyî cezakerdene û 2 îşxalkerî birîndar bîyî. Reyna 2 mewzîyî û radar ameyî îmhakerdene. Îşxalkeran saetanê şewe de pê helîkopteranê Skorskyan merde û bîrndarê xo berdî.

Hemleya Şorişgêre ya Bazanê Zagrosî

1ê hezîrane de qezaya Gewerî ya Colemêrgî de vera îşxalkeranê ke rayîrê mabênê dewanê Alyawa û Serê Şîkeftê de kontrol kerdêne çalakîye ameye kerdene. Wesayîto zirxin ê tîpê Kirpî yo tede 12 îşxalkerî estbî hedef ame girewtene û pîya bi îşxalkeran ame îmhakerdene. Medyaya dewleta tirke bi xeberanê zuran vat gerîlayî şehîd bîyî la na xebera raşt nîya embazê ma tîya şehîd nêbîyî.

Bombardumanî

Dewleta tirke ya îşxalkerê bombardumanan rê dewam kena. 2 û 3ê hezîrane de Qilê Zendûra yê Metîna, 3ê hezîrane de warê Tabûra Ereban, Kunişka, û Girê Sorî yê Avaşînî û  warê Sîda,Çemço, Qela Bêdewa û Ciloyê Qicî yê Zapî pê teyarayanê şerî ameyî bombardumankerdene. Qilê Serxwebûnî yê Zapî de zî îşxalkeran hêzê xo bedilnayî.Eynî roje warê Mamreşo û Mervanosî yê Avaşînî pê helîkoperan ameyî bombardumankerdene. 4ê hezirane de warê Werxelê yê Avaşînî û Qilê Şehîd Brûskî yê zapî pê teyarayanê şerî ameyî bombardumankerdene. Nê hêrişan de vînîbîayeyê ma çîn ê.''