Merkezê Îrtîbatî û Çapemenîye yê HPGyî derheqê hêrişê artêşa tirke û çalakîyanê gerîlayan de eşkerayîye daye û nê pare kerdî:

''Artêşa tirke ya îşxalkere payîzî ra nata Botan de operasyonanê îşxalî kena. Zafê nê operasyonan hetê hêzanê  ma ra ameyî betalkerdene. Îşxalkeran tewr peynî de herêma Cûdîyî de operasyon da destpêkerdene. Hêzanê pê çalakîyan bitesîran cewabê nê operasyonî da û derbeyê pîlî dayî îşxalkeran ro. Avaşîn û Zap de zî çalakîyê hêzanê ma bi ruhê fedayîyî yê Apoyî bêmabên dewam kenê. Îşxalkeranê ke derbeyê pîlî werdî çeka kîmyewîye şuxulnenê û sûcê şerî kenê. Çalakîyanê hêzanê ma yê ke Vakurî ra heta Başûrî ameyî kerdene de 16 îşxalkerî ameyî cezakerdene , îşxalkerêk girîndar bi û helîkopterêk ame derbkerdene.

Detayê çalakîyan wina yê:

Botan

Çalakîyê ke herêma Cûdîyî de serkêşîya YJA Starî de ameyî kerdene wina yê: 29ê nîsane de Girê Hendek de îşxalkerî di hetan ra bi çalakîya bikoordîne ameye pirodayene, 3 îşxalkerî ameyî cezkerdene. Badê çalakîye herême ameye bombardumankerdene. Eynî roje warê Teyrê Bazî de îşxalkerî hetê tîmanê ke erazî de gêrenê ra bi  bombayanê destî û çekanê ferdîyan ameyî pirodayene. Netîceya pirodayîşanê bitesîran de 2 îşxalkerî ameyî cezakerdene. 30ê nîsane de warê Teyrê Bazî îşxalkerî reyna di hetan ra bi taktîkê suîqestî ameyî pirodayene, 2 îşxalkerî ameyî cezakerdene. Netîceya çalakîyanê hêzanê ma de saetanê şewe de îşxalkerî mecbur mendî ke peyser biancî. Nê çalakîyê ke semedê qesasgirewtişê şehîdanê  bêmergan ê Avaşîn û Zapî ameyî kerdene.

Avaşîn

1ê gulane de Warê Xoverdayîşî yê Werxelê de îşxalkerî di hetan ra bi taktîkê suîqestî ameyî pirodayene, 2 îşxalkerî ameyî cezakerdene. Badê çalakîye warê xoverdayîşî pê obusan dîya bombayan ver. Saetanê cemê şanî de hêzanê ma eynî warî de da mewzîyanê îşxalkeran ro, 3 mewzîyî ameyî derbkerdene. Badê çalakîyanê hêzanê ma îşxalkerê ke mecbûr mendî gamêke peyser biancîyê warî ser o bombayî varnayî.

 Zap

3ê nîsane de helîkopterê ke qezaya Amedîye ya Duhukî ya ke binê kontrolê PDKyî ra firdayî ke ravêrê Warê Xoverdayîşî yê Kurojahroyî hetê hêzanê ma ra ameyî pirodayene, helîkopter ame derbkerdene û peyser agêra. Eynî roje mewzîyê Girê Şehîd Cûdîyî yê Warê Xoverdayîşî yê Karkerî  pê çekanê kîmyewîyan ameyî bombardumankerdene. Reyna 2ê gulane de zî mewzîyê şerî yê Girê Berxwedanî yê Warê xoverdayîşî yê Şehîd Şahînî de gazê kîmyewî yê ke rengê ci sipî û tamê ci tal o ameyî şuxulnayene.

1ê gulane de îşxalkeranê ke waşt dormeyê mewzîyanê şerî yê Girê Şehîd Harûnî yê Warê Xoverdayîşî yê Kurojahroyî de xo ca bikerî hetê hêzanê ma yê YJA Starî ra ameyî pirodayene, îşxalkerêk ame cezkakerdene û îşxalkerêk birîndar bi.Warê Kevirêkunî de zî 4 îşxalkerî ameyî cezakerdene. Çalakîya Girê Ortê yê Warê Xoverdayîşî yê Karkerî de zî îşxalkerêk ame cezakerdene. Hêzanê ma Warê Xoverdayîşî yê Karkerî de zî da îşxalkeran ro, îşxalkerêk ame cezakerdene. Warê Girê Cûdîyî, Çemço û Saca yê herêma Zapî pê obusan  û teyarayanê şerî dîyayî bombayan ver.

Eynî roje Girê Hakkarî yê herêma Metîna pê teyaranê şerî û obusan dîya bombayan ver.