Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê pare kerdî:

''Xoverdayîşo tarîxî û çalkîyê bitesîrî yê Gerîlyanê Azadîye yê Kurdîstanî bêmabên dewam kenê. Artêşa tirke ya îşxalkere 28 rey pê çekanê kîmyewîyan û teqaberan, 63 rey bi teyarayanê şerî û helîkopteran û bi seyan rey bi obusan warê xoverdayîşî dayî bombayan ver. Çalakîyanê hêzanê ma yê ke serkêşîya YJA Starî de ameyî kerdene de 18 îşxalkerî ameyî cezakerdene, 5 îşxalkerî birîndar bîyî û tifingêko bi tîpê MPT 55 ame destsernayene. Detayê çalakîyan wina yê:

Avaşîn

26ê gulane de Warê Xoverdayîşî yê Werxelê de îşxalkerî çar rey têdima bi takdîkê sabotajî, çekanê ferdîyan û giranan ameyî pirodayene. Netîceya nê çalakîyan de tewr tay 3 îşxalkerî ameyî cezakerdene, 2 îşxalkerî birîndar bîyî  û tifingêko bi tîpê MPT 55 ame destsernayene. Helîkopteranê ke waşt merdayanê xo wedaro ê zî hetê  hêzanê ma ra ameyî pirodayene û mecbûr mendê herême ra bikewê dûrî. Eynî roje Werxelê 11 rey bi çekanê kîmyewîyan û teqaberan û 23 rey bi teyaranê şerî û helîkopteranê hêrişî dîya bombayan ver.

Zap

26 gulane de Warê Xoverdayîşî yê Şikefta Birîndara de hêzanê ma yê YJA Starî çalakîya sûîkastî kerde. Derûdorê mewzîyanê şerî yê Kevirêkunî de îşxalkerî ameyî pirodayene, îşxalkerêk ame cezakerdene. Çalakîya sûîkastî ya bine zî warê Şehîd Berxwedanî yê Warê Xoverdayîşî yê Şehîd Şahînî de ameye kerdene. Çalakîye de îşxlakerêk ame cezakerdene. Reyna Warê Xoverdayîşî yê Kurojahroyî de zî çalakîya sûîkastî de îşxalkerêk ame cezakerdene. Hêzanê ma yê YJA Starî Warê Xoverdayîşî yê Girê FMî de di rey da îşxalkeran ro, 2 îşxalkerî ame cezakerdene. Eynî roje artêşa tirke mewzîyê şerî yê Şehîd Hewrê, Şehîd Berxwedan û Şikefta Birîndara 13 rey bi çekanê kîmyewîyan û teqaberan dayî bombayan ver.

Metîna

25ê gulane de îşxaleranê ke waşt xo derûdorê mewzîyanê şerî yê Şehîd Hejare yê Warê Xoverdayîşî yê Girê Hakkarî de ca bikerê, hetê hêzanê ma ra bi taktîkê sabotajî, çekanê ferdîyan û bombayanê destan ameyî pirodayene. Na çalakîye de 8 îşxalkerî ameyî cezakerdene û 3 îşxalkerî birîndar bîyî. Îşxalkerî eynî roje hêna ameyî pirodayene û mecbûr mendê ke gamêke peyser agêrê. 26ê gulane de helîkopteranê ke waşt warî bidê bombayan ver hetê hêzanê ma ra ameyî hedefgirewtene û mecbûr mendê ke warî ra bikewê dûrî. Îşxalkerê ke mîyanê înan de kontrayanê ke bi şîveyê kurdkîya behdînî qisey kerdêne ê zî estbî, Girê Hakkarî pê 4 rey pê çekanê kîmyewîyan û teqaberan da bombayan ver. Eynî roje qirrika Şehîd Agirî yê Girê Ortê de çalakîya saobtajî de 2 îşxalkerî ameyî cezakerdene.

Bombarduman

26ê gulane de warê Çemço, Saca, Çîyareş, Şehîd Şemdîn, Kurojahro, Şehîd Şahîn û Karkerî yê herêma Zapî bi seyan rey pê obusan û 29 rey bi teyrayanê şerî, warê Xêrê û Deşta Kafya yê herêma Garê 5 rey pê teyarayanê şerî û  derûdorê dewanê Êdine û Seraro û warê Girê Hakkarî, Girê Şehîd Viyan û Şehîd Şoreşî yê herêma Metîna  pê obusan û 6 rey pê teyarayanê şerî dîyayî bombayan ver.''