Merkezê Îrtîbatî û Çapemenîye yê HPGyî da zanayene ke çalakîyê gerîlayan ê vera operasyonê îşxalî yê Heftanînî dewam kenê û derheqê çalakîyanê gerîlayan ê ke xeylêk waran de ameyî kerdene nê pare kerdî:

Heftanîn

''26ê hezîrane de hêzanê ma warê Şedara de yewîyanê dîşmenî ro, 2 leşkerî ameyî cezakerdene.

29ê hezîrane de zî Qilê Şehîde Bêrîvane de çalakîyêke ameye viraştene. Detayê na çalakîye do peyra bêrê parekerdene.

Eynî roje yewîya dişmenî ke Qilê Xantûrî ra ver bi Dola Beraza şiyîne ameye pirodayene. Çalakîya ke mesafeyo nizdî ra ameye viraştene de 10 leşkerî ameyî cazekerdene. Pêkewtişan heta saetanê şewe ge-ge dewam kerdî. Derheqe pêkewtişan de zanayîşê ke do bikewê dest, rayrapêroyî dir bêrê parekerdene.

Qilê Dupişkî de zî çalakîya suîqestî de leşkerêk ame kiştene. Reyna çalakîya suîqestî ya Qilê Kastosulê de zî leşkerêk ame kiştene.

Şemzînan

Çarçweya Hemleya Şorişgêre ya Şehîd Bagerî û Şehîde Ronya de hêzanê înan çalakîyê ke viraştî, na çerçewe de;

28ê hezîrane de Şemzînanê Colemêrgî de leşkerê ke Qilê Leylekî de ameybî cakerdene ameyî pirodayene, leşkerêk ame cezakerdene.

29ê hezîrane de zî reyna Şemzînan de Qilê Cibrî yê Qereqolê Bezelê de da îşxalkeran ro, la hûmara merde û birîndaran ê dişmenî zelal nêbîye.

Xakurkê

29ê hezîrane de Qilê Koordîne yê Xakurkê de vera leşkeranê îşxalkeran çalakîyêke ameye viraştene. Çalakîya bitesîre de 4 leşkerî ameyî kiştene.

Heman roje de artêşa tirke mabênê Qilê Lêlîkan û Qilê Kevotê de operasyon da destpêkerdene. Hêzanê ma vera yewîyanê dişmenî çalakîya sabotajî viraşte. Dima ra yewîya ke semedê mudaxeleyî ameye a zî ameye pirodayene, 3 leşkerî ameyî kiştene.

Bombarduman

28ê hezîrane de teyarayanê şerî yê dewleta tirke warê Saca yê Zapî bombarduman kerde. Nê hêrişî de vînîbîyayeyê ma çîn ê.''