Merkezê Îrtîbatî û Çapemenîye yê HPGyî derheqê operasyonanê qesasîyî yê Zapî de eşkerayîye daye û nê pare kerdî:

''Dewleta tirke ya îşxalkera ke vera xoverdayîşê Gerîlayanê Azadîye yê Kurdîstanî nêeşekena aver şiro, çeka kîmyewîye şuxulnena. Zap de hêzanê ma vera nê sûcanê dewleta tirke 24ê gulane de Operasyonê Qesasî yê Şorişgêrî kerdî. Tîmanê gerîlayan bi hewayekê bikoordîne û bi taktîkanê zengînan îşxalkerê ke Zap de sûcê merdimîye kenê, ê ceza kerdî. Nê operasyonê semedê qesasê 8 hemrayanê ma yê ke Çîyareş de şehîd bîyî, ameyî kerdene.

Dewleta  tirke û medyaya şerê taybetî raştîya şerê Zapî nimnenê. Destanê xoverdayîşê  Gerîlayanê Azadîye yê Kurdîstanî her kesî ra yeno nimitene û herinda nê de zûrî yenê kerdene. Ge-ge mecbûr manenê qismêkê vînîbyayeyanê xo vanê la hûmara xelete danê. Na rey zî hûnca raşt qale nêkerdo û vato 5 leşkerê înan merdî. Hêzê ma şîyî 18 cenazayanê îşxalkeran ser û dest nayo xeylêk çekan û malzemeyanê leşkerîyan ser. 2ê înan payeberzî  26ê îşxalkerî ameyî cezakerdene.

Detayê Operasyonanê Qesasî yê Şorişgerîyan wina yê:

24ê gulane de Girê Cehenemî yê Warê Xoverdayîşî yê Çîyareşî yê Zapî de îşxalkerî  bi çalakîya bikoordîne ameyî pirodayene. Qefleyê operasyonî yê verênî 3 xeymê leşkerî û 2 mewzîyî hedef girewtî û bi bombayanê destî û çekanê ferdîyan da piro. Çalakîye de 2ê înan payeberzî 7 îşxalkerî ameyî cezakerdene û mewzî û xeymî ameyî îmhakerdene. Hêzanê ma yê ke kontrolê warî bi temamî girewt destê xo şîyî dişmenî ser. Tîya xeylêk çeke û malzemeyo leşkerî ameyî destsernayene. Qefleyê diyînî zî da 2 mewzî û xeymêka leşkerî ro. Çalakîye de 5 îşxalkerî ameyî cezakerdene. Hêzê ma şîyî cenzayan ser û dest na çekanê înan ser. Îşxalkeranê  ke derûdormeyî ra mudaxale kerd, ê zî ameyî pirodayene, tewr tay 6 îşxalkerî ameyî cezakerdene. Operasyonê ke sey vireyî leazabez ameyî kerdene, hendê 12 deqayan kerd derg de 2ê înan payeberzî tewr tay 18 îşxalkerî ameyî cezakerdene. Seba ke dewleta tirke tim vînîbîyayeyanê xo nimnena serê 12 leşkeran ra engiştaneyê mektebê leşkerî yê leşkerê payeberzî  zî tede xeylêk çeke û malzemeyo leşkerî ame destsernayene. 4 mewzî û 4 xeymê leşkerî bi temamî ameyî îmhakerdene.

Hemrayê ma Mahîr Mazlûmo ke bi hewayêkê fedayîyî şi dişmenî ser û guleyo verên teqna û leşkeran ser ra di çekî wedaritî, hela ke peyser ancîyayêne pêkewtişan de tewrê kerwanê şehîdan bi.

Nasnameyê hemrayê ma Mahîrî wina yo:

Nameyê Qodî: Mahîr Mazlûm

Name û Peyname: Mehmet Aslan

Cayê Bîyayîşî: Riha

Maye-Pî: Rahime – Mehmet Ali

Tarîx û Cayê Şehadetî: 24ê Gulana 2022yî / Zap

Hemrayê ma Mahîr Riha de yeno dinya û 2015 de Ewropa ra tewrê refanê gerîlayan beno. Hemrayê ma Mahîro ke demo kilm de beno gerîlayêko serkewte, wextanê tewr giranan ê şerî de xeylêk waranê Herêmanê Pawitişî yê Medya de vera dişmenî şer keno. Tim wazeno ke şiro cayanê ke tede şero germin esto ke dişmenî ra qesas bigêro. Hemrayê ma Mahîrî ke fermandarîya tîmî kerdêne zaf embazanê xo perwede keno û înan rê serkêşîye keno. Tewr peynî de Zap de vera îşxalkeran zaf çalakîyan de ca geno û bitaybetî warê Şehîd Rustemî de sey fermandarê serkêşî çalakîyanê serkewteyan de rol geno. Hemrayê ma Mahîr 24ê gulane de zî bi rûhê fedayîyî yê Apoyîyî şino dişmenî ser û  cenazayanê dişmenî ser ra çekan wedarano. Gama ke peyser agêreno tewrê kerwanê şehîdan beno û  beno fermadaranê sembolan ê xoverdayîşê tarîxî yê Zapî ra ya.

Ma sere de keyeyê ercîyayeyî yê hemrayê xo Mahîrî rê pêro şarê welatperwerî yê  Riha û Kurdîstanî rê serweşîye wazenê.

24ê gulane de  warê Şehîd Şemdînî yê Warê Xoverdayîşî yê Kurojahroyî yê Zapî de îşxalkerî di perran ra hetê hêzanê ma ra ameyî pirodayene. Qefleyê verênî da mewzîyêke ro. Mewzîya ke masefeyo nêzdî ra ameye pirodayene ameye îmhakerdene û 2 leşkerî ameyî cezakerdene. Qefleyê diyînî zî mewzîyêka bine hedef girewt. Badê pirodayîşî îşxalkeran mewzî caverda  û remayî. Mewzî ameye îmhakerdene. Îşxalkeranê ke mudaxaleyê warê çalakîye kerde hetê hêzanê ma ra bi çalakîya bitesîre ameyî pirodayene, 4 îşxalkerî ameyî cezakerdene. Tîmê ma şîyî mewzî ser û di îşxlakerî binî ameyî cezakerdene û xeylêk çeke û malzemeyo leşkerî ameyî destsernayene.''