Merkezê Îrtîbatî û Çapemenîye yê HPGyî derheqê çalakyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayanê Azadîye yê Kurdîstanî semedê qesasê Qirkerdişê Zaxoyî çalakîyî kerdî. Çalakîyanê qesasî de 5 îşxalkerî ameyî cezakerdene, tanqêk û dronêk ameyî îmhakerdene û mewzîyêke ameye derbkerdene. Artêşa tirke ya îşxalkera ke nêeşkena xoverdayîşê hêzanê ma bişikino warê xoverdayî bi desan rey dayî bombayan ver.

Zagros

25ê temmuze de Warê Xoverdayîşî yê Şikefta Birîndara de îşxalkerî di hetan ra ameyî pirodayene. Çalakîye de tangêk pîya leşkerê ke tedebî ame îmhakerdene û mewzîyêke ameye derbkerdene. Çalakîye de tewr tay 5 îşxalkerî ameyî cezakerdene. Eynî roje warê Şehîd Adilî de dronêk ame îmhakerdene. 26ê temmuze zî de zî warê Şehîd Umîdî de îşxalkerî bi taktîkê sabotajî ameyî pirodayene.

Metîna

24ê temmuze de Warê Xoverdayîşî yê Girê Hakarî de helîkopterê hêrişî yê ke watş mewzîyanê şerî bidê bombayan ver hetê hêzanê ma ra ameyî pirodayene û mecur mendê ke peyser agêrê.

Bombarduman

Artêşa tirke ya îşxlakere 25ê temmuze de mewzîyê şerî yê Warê Xoverdayîşî yê Girê Amedîyê û  Girê FMyî pê çekanê kîmyewîyan dayî bombayan ver. Eynî roje Saca Girê Cûdîyî dronî gêrayî. Reyna dewa Yekmalê ya Garê û warê Şehîd Adil, Sîda, Saca, Werxelê, Girê Amedîyê, Girê Hakarî bi desan rey pê teyara, helîkopter û obusan dîyayî bombayan ver.''