Merkezê Îrtîbatî û Çapemenîye yê HPGyî derheqê çalakyanê gerîlayan û hêrişê artêşa tirke de eşkerayîye daye û nê pare kerdî:

''Dewleta tirke ya îşxalkere 24ê temmuza 2015î de vera şar û têgêrayîşê ma dest pê hêrişê qirkerdişî kerd. Hêrişê îşxalî yê dewleta tirke yê ke 7 serrî yo pê metodanê şerê taybetî yenê kerdene nerasayî waştişê xo. Xoverdayîşê Rayber Apoyî, têgêrayîş şarê ma planê înan betal kerdî. Gerîlayê Azadîye yê Kurdîstanî bi hewayêkê qerardarî têkoşînê xo domnenê. Hêzanê ma şewa 24ê temmuze de Warê Xoverdayîşî yê Şikefta Birîndaran de helîkopterêkê Skorskyî da war û îşxalkerê ke tede bî ameyî cezakerdene. Hêzanê ma pê derbeyêka pîle mesaja bimana daye. Îşxalkerê ke nêeşkenê xoverdayîşê hêzanê ma bişikinê warê xoverdayî bi desan rey dayî bombayan ver.

Zagros

24ê temmuze de Warê Xoverdayîşî yê Şikefta Birîndara de helîkopterê Skorskyî ke leşkerî kiriştêne herême hetê hêzanê ma ra mesafeyo nêzdî ra ame pirodayene. Helîkopterî adir girwt û gama ke waşt peyser biremo gina war. Eynî roje Warê Xoverdayîşî yê Kokerî de îşxalkerê ke ameyî pirodayene peyser agêrayî. Warê  Xoverdayîşî Karkerî de zî helîkoptero ke ame hedefgirewtene badê pirodayîşanê bitesîran peyser agêra.

Metîna

14ê temmuze de Warê Xoverdayîşî yê Girê Amedîyê de îşxalkerî di rey pê taktîkê sabotajî ameyî pirodayene.

Bombarduman

Artêşa tirke ya îşxalkere 23-24ê temmuze de Warê Xoverdayîşî yê Şikefta Birîndara, Sida, Saca, Çemço, Kokerê, Girê Karker, Girê FM, Girê Cûdîyî û  Girê Serbestî yê Garê pê helîkopter, teyara û obusan dayî bombayan ver.''