Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Gerîlayanê Azadîye yê Kurdîstanî Warê Xoverdayîşî yê Zap, Avaşîn û Metîna de rixmê pêro zehmetîyan zî bi ruhê Apogîrî şerî rê dewam kenê. Artêşa tirke ya îşxalkere Warê Xoverdayîşî 21 reyî pê helîkopteranê hêrişî, 24 reyî pê teyarayan, 10 reyî pê çekanê kîmyewîyan û teqaberan dayî bombayan ver. Netîceya çalakîyanê hêzanê ma de; 7 îşxalkerî ameyî cezakerdene, 3 îşxalkerî birîndar bîyî, 1 radar ame îmhakerdene û 1 helîkopter ame derbkerdene.

Detayê nê çalakîyan wina yê:

Çarçewa Hemleya Şorişgêre ya Bazanê Zagrosî de herêma Avaşînî de;

3ê hezîrane de Warê Xoverdayîşî yê Werxelê de îşxalkeran verê tunelanê şerî de şewat vet û kerd ke dûyê şewatî şoro zereyî. Na rewşe 15 deqayan dewam kerd. Dima nê îşxalkerî pê taktîkê sabotajî ameyî pirodayene, la hûmara kişte û birîndaran nêameye zelalkerdene.

3ê hezîrane dde Warê Xoverdayîşî yê Werxelê de îşxalkerî di baskan ra pê çekanê ferdîyan ameyî pirodayene. Netîceya na çalakîye de 1 îşxalker ame cezakerdene û 1 îşxalker birîndar bi.

4ê hezîrane de Warê Xoverdayîşî yê Werxelê de îşxalkerî di baskan ra pê çekanê ferdîyan ameyî pirodayene. Dima reyna nê îxalkerî ameyî pirodayene û 1 radarê înan ame îmhakerdene.

Çarçewa Hemleya Şorişgêre ya Cengê Xabûrî de herêma Metîna de;

25ê gulane de helîkoptero ke hêrişê Warê Xoverdayîşî yê Girê Hekarî kerdbi ame hedefkerdene û netîceya derbanê giranan de neçare mend ke şoro.

26ê gulane de Girê Şehîd Şoreşî yê Warê Xoverdayîşî yê Girê Hekarî de îşxalkerî pê çekanê otomatîkman ameyî hedefkerdene. Netîceya na çalakîye de 2 îşxalkerî birîndar bîyî.

28ê gulane de Girê Şehîd Şoreşî yê Warê Xoverdayîşî yê Girê Hekarî de îşxalkerî pê çekanê nêm-otomatîkman ameyî hedefkerdene. Netîceya na çalakîye de 1 îşxalker ame cezakerdene.

3ê hezîrane de Girê Şehîd Akîfî yê Warê Xoverdayîşî yê Girê Hekarî de îşxalkerî pê çekanê ferdîyan ameyî pirodayene. Netîceya na çalakîye de 1 îşxalker ame cezakerdene.

Çarçewa Hemleya Şorişgêre ya Bazanê Zagrosî de herêma Zapî de;

3ê hezîrane de îşxalkerê ke waştêne ver bi Warê Kûnîşka şorê pê çekanê ferdîyan di reyî ameyî hedefkerdene. Mudaxeleyê hêzanê ma ra dima îşxalkerî neçare mendî ke gamêke xo apey bigêrê.

3ê hezîrane de îşxalkeran pê çeka kîmyewîye hêrişê Warê Xoverdayîşî yê Karkerî kerd û kerd ke pê perwaneyan nê kîmyewîyan dekerê zereyê tunelan. Nê îşxalkerî pê taktîkê sabotajî ameyî hedefkerdene û 2 îşxalkerî ameyî cezakerdene.

4ê hezîrane de Warê Xoverdayîşî yê Karkerî de îşxalkerê ke waştêne ca bibê di reyî pê taktîkê suîkastî ameyî pirodayene. Netîceya na çalakîya YJA-Starî de 2 îşxalkerî ameyî cezakerdene.

Bombarduman

30ê gulane-1ê hezîrane de Girê Cehenemî yê Warê Xoverdayîşî yê Çîyareşî 4 reyî pê teqaberan, 3ê hezîrane de tunelê şerî yê Warê Xoverdayîşî yê Şikefta Birîndaran 2 reyî pê mayînan û Girê Şehîd Akîfî yê Warê Xoverdayîşî yê Girê Hekarî 1 reyî pê teqaberan dîyayî bombayan ver. 3-4ê hezîrane de Warê Xoverdayîşî yê Girê Hekarî û Girê Ortê, warê Qaşûra, dewa Bêşîlî û Serê Metîna yê Metîna; Girê Bahar, Girê Cudî, Werxelê, Saca, Sîda, Çemço, Çiyareş, Kurojahro, Şehîd Şahîn û Kûnişka; 4ê hezîrane de warê Çemçoyî dîyayî bombayan ver.''