Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Hemleya Şorişgêre ya Cengê Xabûrî - Metîna

1ê hezîrane de qirrika Girê Azadî de îşxalkerî ameyî pirodayene.  Eynî roje dormeyê mewzîyanê şerî yê Warê Xoverdayîşî yê Girê Hakkarî de îşxalkerî hetê hêzanê ma ra pê çekanê ferdîyan ameyî pirodayene. Çalakîye de 2 îxşalkerî ameyî cezakerdene û îşxalkerêk birîndar bi. 2ê hezîrene de tîya di helîkopterê hêrişî ameyî hedefgirewtene. Helîkopteranê ke derbeyÊ giranî girewtî gama ke agêrayêne înan ra yew dormeyê Warê Xoverdayîşî de gina war û îmha bi.

Hemleya Şorişgêre ya Bazanê Zagrosî – Zap

1ê hezîrane de Warê Xoverdayîşî yê Şehîd Şahînî de îşxalkerêk ame cezakerdene. Eynî roje îşxalkeranê ke waşt ver bi mewzîyanê şerî yê Şehîd Rêberî şirê hetê hêzanê ma yê YJA Starî ra ameyî pirodayene. Çalakîya sûîkastî de 2 îşxlakerî ameyî cezakerdene. Çalakîya bine zî dormeyê mewzîyanê şerî yê Şehîd Berxwedan ê Warê Xoverdayîşî yê Şehîd Şahînî de ameye kerdene. Badê çalakîye îşxalkerî mecbûr mendê peyser agêrê.

Hemleya Şorişgêre ya Şehîd Savaş Maraşî-Zap

2ê hezîrane de dormeyê mewzîyanê şerî yê Şehîde Savuşka yê Warê Xoverdayîşî yê Girê Cûdîyî de îşxalkerî hetê hêzanê ma ra di hetan ra ameyî pirodayene. Netîceya çalakîye de 2 îşxalkerî ameyî cezakerdene, 2 îşxalkerî birîndar bîyî û mewzîyêke ameye îmhakerdene. Badê çalakîye îşxalkerî mecbûr mendê gamêke peyser agêrê.

Bombarduman

1ê hezîrane de warê Şikefta Birîndara, Karker, Şehîd Berxwedan, Şehîd Şahînî yê Herêma Zapî û  Warê Xoverdayîşî yê Werxelê yê herêma Avaşînî 33 rey pê çekanê kîmyewîyan û teqaberan dîyayî bombayan ver. Eynî roje warê Girê Cûdî, Girê FM, Girê Bihar, Kurojahro, Şehîd Şemdîn, Şehîd Tolhildan, Şehîd Şahîn, Çemço, Sîda yê herêma Zapî, dormeyê dewanê  Dêşîşê, Seraro, Êdînê  û warê Girê Hakkarî, Girê Ortê, Serê Metîna yê Metîna, warê Şehîd Zemanî  yê Metîna, dewa Yekmalê yê herêma Garê û dewa Şêxanî ya Kalatuka yê herêma Qendîlî bi desan rey pê teyarayanê şerî û obusan dîyayî bombayan ver.''