Merkezê Îrtîbatî û Çapemenîye yê HPGyî derheqê çalakîyanê gerîlayan  û hêrişê artêşa tirke de eşkerayîye daye û nê pare kerdî:

Hêzanê ma yê Pawitişî yê Hewayî yê Şehîde Delale 20ê gulane de Qilê Azadî yê herêma Metîna de hewayî ra da  îşxalkeran ro. Çalakîya serkewtîye de hedefî biîsabetî ameyî pirodayene.

'Çarçewa Hemleya Şorişgêre ya Bazanê Zagrosî de;

''21ê gulane de vera îşxalkeranê ke Qilê Şehîd Mûnzûrî yê Qela Bêdewê yê herêma Zapî de ameybî cakerdene, bi çekenê giranan çalakîye ameye kerdene. 22ê gulane de Qilê Mervanosî de îşxalkerî pê çekanê giranan ameyî pirodayene la hûmara merde û birîndaran zelal nêbîye. Eynî roje qirrika Qilê Serxwebûnî yê herêma Zapî de vera îşxalkeran pê çekanê giranan çalakîye ameye kerdene. 23ê gulane de Kanî Qirêjî yê warê Mervanosî yê herêma Avaşînî de di hetan ra çalakîya koordînekerdîye ameye kerdene. Di mewzîyî ameyî pirodayene. Mewzîyêke  ameye îmhkerdene û îşxalkerêk ame cezakerdene.

 Çarçewa Hemleya Şorişgêre ya Cengê Xabûrî de;

21ê gulane de Qilê Koordîne yê herêma Heftanînî de vera îşxlakeran bi çekanê termalan çalakîya sûîqestî ameye kerdene. Çalakîye de îşxalkerêk ame cezakerdene. 22ê gulane de Qilê Zendûra ya herêma Metîna de îşxalkeran waşt ke bikewê tunelanê şerî. Hêzanê ma ke destûr nêda îşxalkerî nêzdî bibî mesafeyo nêzdî ra da piro. Çalakîye de îşxalkerêk ame cezakerdene û 2 îşxalkerî zî birîndar bîyî. Îşxalkerî ke tersayî û remayî mertalê xo yê guleyî tira nêverênê zî xo dima verdayî. Hêzanê ma dest nê mertalan ser. eynî roje Qilê Azadî yê Metîna de di hetan ra çalakîya koordînekerdîye ameye kerdene. Îşxalkerê ke di hetan ra ameyî pirodayene ra 4 kesî ameyî cezakerdene. Badê çalakîye îşxalkeran herême bombarduman kerde.

Artêşa tirke ya îşxalkere pê helîkopter û teyarayanê şerî vera Herêmanê Pawitişî yê Medya hêriş kerd. 21 û 22 gulane warê Derarê û Koordîne yê herêma Metîna pê helîkopteranê Skorskyan ameyî bombardumankerdene. 22ê gulane de warê Ciloyê Qicî, Qela Bêdewê û Herfa Tyî yê herêma Zapî pê helîkoperanê hêrişî ameyî bombardumankerdene û qilê Şehîd Serxwebûnî de leşkerî ameyî cakerdene. Eynî roje sînoranê qereqolî ra herêma Avaşînî de warê Gelîya Basya ame bombardumankerdene. Badê hêrişî herême de şewat vejîya, hema dewam keno. Waranê Mervanos û Mamreşoyî yê herêma Avaşînî de pê helîkopteran leşkerî ameyî cakerdene. Eynî wextî de Gelîyê Basya û Gelîyê Avaşînî pê helîkopteran ameyî bombardumankerdene. Nê hêrişan de vînîbîyayeyê ma çîn ê.''