Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Xoverdayîşê gerîlayanê azadîye yê vera îşxalê dewleta tirke bi ruhê Xoverdayîşê 14ê Temmuze dewam keno. Vera hêrişanê îxşalî çalakîyanê bi serkêşîya tîmanê hereketînan ê YJA-Starî de 8 îşxalkerî ameyî cezakerdene û 1 sîstemê mobese ame îmhakerdene. Îşxalkerî vera çalakîyanê gerîlayan teng mendî û înan 5 reyî pê teqaberan û çeka kîmyewîye, 15 reyî zî teyarayanê şerî warê xoverdayîşî dayî bombayan ver.

Detayê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Bazanê Zagrosî de herêma Zapî de;

9ê temmuze de îşxalkerî dima ke tunelê şerî yê Warê Xoverdayîşî yê Şikefta Birîndaran pê çeka kîmyewîye û teqaberan dayî bombayan ver hetê tîmanê ma yê hereketînan ra pê taktîkê suîkastî ameyî pirodayene û tîya de 1 îşxalker ame cezakerdene.

9ê temmuze de îşxalkerê ke ver bi mewzîyanê şerî yê Warê Xoverdayîşî yê Kokerî şîyêne pê taktîkê sabotajî ameyî derbkerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

9ê temmuze de Warê Xoverdayîşî yê Girê Cûdîyî de îşxalkerî hetê tîmanê ma yê hereketînan ra ameyî hedefkerdene û tewr tay 1 îşxalker ame cezakerdene.

10ê temmuzze de Warê Xoverdayîşî yê Girê Cûdîyî de îşxalkerî serkêşîya tîmanê hereketînan ê YJA-Starî de pê taktîkê suîkastî ameyî hedefkerdene û 5 îşxalkerî ameyî cezakerdene.

10ê temmuze de Warê Xoverdayîşî yê Girê Amedîyê de sîstemê mobese ame îmhakerdene. Dima îşxalkerê ke ameyêne mobese kontrol bikerê ameyî hedefkerdene û tîya de zî 1 îşxalker ame cezakerdene.

Hêrişê ke artêşa tirke ya îşxalkere pê çeka kîmyewîye û teqaberan kerdê:

9ê temmuze de Warê Xoverdayîşî yê Girê Cûdîyî, mewzîyê şerî yê Şehîd Têkoşerî yê Avaşînî, tunelê şerî yê Waranê Xoverdayîşî yê Şikefta Birîndaran û Kokerî; 10ê temmuze de mewzîyê şerî yê Warê Xoverdayîşî yê Girê FMyî dîyayî bombayan ver.

Hêrişê ke artêşa tirke ya îşxalkere pê obus, helîkopteranê hêrişî û teyarayanê şerî kerdê;

9-10ê temmuze de Warê Xoverdayîşî yê Çemço û Girê FMyî de têgêrayîşê dronî qewimîyayî.

9ê temmuze de Girê Amedîyê, warê Deşta Kafya û Xêrê yê Garê, warê Saca, Sîda û Çemçoyî yê Zapî, warê Şehîd Têkoşerî yê Avaşînî û Warê Xoverdayîşî yê Girê Hekarî yê Metîna dîyayî bombayan ver.''