Merkêzê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî bi ruhê  Xoverdayîşê 14ê Temmuze koyanê Kurdîstanî de darbeyanê giranan danê artêşa tirke ya îşxalkere ro. Çalakîyan de 2ê înan payeberzî 19 îşxalkerî ameyî kiştene, 2 wesayîtê zirxinî ameyî îmhakerdene û yew helîkopterê ame derbkerdene. Dewleta tirke  bi desan rey pê çekanê kîmyewîyan, teqaber, teyarayanê şerî, helîkopteranê hêrişî û obusan warê xoverdayîşî dayî bombayan ver. Detayê çalakîyan wina yê;

Xakurkê

6ê temmuze de Girê Şehîd Derwêşî de hetê hêzanê ma yê YJA Starî ra wesayîto leşkerî ame pirodayene. Çalakîya de mewzî û wesayît ameyî îmhakerdene û 10 îşxalkerî ameyî cezakerdene.

Avaşîn

7ê temmuze de îşxalkerî dormeyê mewzîyanê şerî yê Şehîd Têkoşerî de ameyî pirodayene. Çalakîya sabotajî de îşxakeranê ke derbî werdî gamêke peyser agêrayî.

Zap

8ê temmuze de Warê Xoverdayîşî yê Çemçoyî de vera wesayîtêko zirxin ame pirodayene û pîya leşkerê ke tede bê ameyî îmhakerdene. 9ê temmuze de helîkopteranê ke waşt Çemçoyî bidê bombayan ver hetê hêzanê ma ra ameyî hedefgirewtene û warî kewtî dûrî.  Warê Xoverdayîşî yê Şikefta Birîndara de zî îşxalkeranê ke rayîr viraştêne ameyî pirodayene. Îşxalkeranê ke derbeyî werdî pêser agêrayî.

Metîna

30ê hazîrane de Warê Xoverdayîşî yê Girê FMyî de çalakîya sûîkastî ameye kerdene, 3 îşxalkerî ameyî cezakerdene. 5 û 8ê temmuze de Girê FMyî de hêzanê ma çalakya sûîkastî kerde, 2 îşxalkerî ameyî cezakerdene. 8ê temmuze de warê Xoverdayîşî yê Girê Cûdîyî de îşxalkerî ameyî pirodayene. Îşxalkerêko payeberz ame cezakerdene. Eynî roje  dormeyê mewzîyanê şerî yê Şehîd Pîrdoxanî yê Warê Xoverdayîşî Girê Amedîyê de çalakîya sabotajî ameye kerdene, 2 îşxalkerî ameyî cezakerdene.  Helîkopteranê ke waşt herême bidê bombayan ver hedef ameyî girewtene, helîkopterêk ame derbkerdene.

Bombarduman

Artêşa tirke 8ê temmuze de Warê Xoverdayîşî yê Girê FM, Girê Hakarî,Girê Cudî, Girê Amediyê, Xêrê, Dola Mêranê, Çiyareş, Kokerê, Şikefta Birîndara, Karker, Kurojahro û Sîda bi desan rey pê çekanê kîmyewîyan, teqaber, teyarayanê şerî, helîkopteranê hêrişî û obusan  dayî bombayan ver.''