Merkezê Îrtîbat û Çapemenîye yê HPG'yî derheqê çalakîyanê gerîlayan ê HPG û YJA-Starî de eşkerayîyêk daye û nê pare kerdî:

Heftanîn de Leşkerêk Ame Kiştene

"Hêzê ma çarçeweya Hemleya Şorişgere ya Cengê Heftanînî ya ke yena domnayene de roja 23'ê Êlule de verba artêşa  Tirkîya ya îşxalkare ke der û dorê Girê Konferansê Pîlî yê herêma Gelîyê Pisaxa de ca girewtibi çalakîyêka sûîkastî viraşte. Na çalakîye de leşkerêkê artêşa Tirkî ame kiştene.

Xakurkê de 11 Leşkerê Tirkî Ameyî Kiştene

Çarçeweya Hemleya Şorişgêre ya Şehîd Bager û Şehîde Ronya de hêzanê ma 23'ê Êlule de verba artêşa Tirkî ya îşxalkare çalakîya sabotajî viraşte. Çalakîye de wesayîtêkê Reo ke konvoy de ame hedefgirewene bi temamî ame îmhakerdene û seke ame tesbîtkerdene di payeberzî  zî tede 11 leşkerê Tirkî ameyî kiştene. Dimayê çalakîye herême hetê artêşa Tirkî ra ameye bombardûmankerdene û TC'yî birîndar û mergeyê xo pê Skorskyan herême ra kiriştî.

Mabênê Mêrdîn û Şirnexî de Çalakîya Sabotajî 

Çarçeweya Hemleya Qesasî ya Şehîde Medya Mawa û Şehîd Rizgar de Geverî de hêzanê ma yê YJA Starî mabênê Mîdyadê Mêrdinî û Hezexê Şirnexî de çalakîya sûîkastî viraşte. Na çalakîye de leşkerêk ame kiştene.

Bagok de 2 Leşkerî Ameyî Kiştene

Çarçeweya hemleye de verba leşkeranê mintiqaya Şehîd Botanî ê Bagokî de zî 12'ê Êlule de çalakîyêka sabotajî ameye viraştene. Na çalakîye de 2 leşkerî ameyî kiştene.

Wan de Pêkewtiş

10'ê Êlule Ebaqê Wanî de mintiqaya dewa Axûla de mabênê hêzanê ma û artêşa Tirkî ya îşxalkare de şer vejîya. Derheqê nê şerî de xeberê herayî dima ra do bêrê pare kerdene.

Hêrişê Hewayî

23'ê Êlûle de tayerayanê artêşa Tirkî herêma Zapî de mintiqaya Kunîşkanî û gelîyê Balayan ê herêma Qendîlî bobardûman kerde.