HPGyî nasnameyê 2 gerîlayanê şehîdan eşkera kerdî û vat: ''Embazanê ma Rewşene û Armance operasyono ke dewleta tirke ya faşîste ver bi rojawanê Zapî kerdo hîra, vera dişmenî tewr vernî de bi fedayîtî şer kerd.''
Merkezê Îrtîbatî û Çapemenîye yê HPGyî nasnameyê 2 şehîdanê YJ-Starî eşkera kerdî.
Eşkerayîya HPGyî wina ya:
''Xoverdayîşê gerîlayanê azadîye yê Kurdîstanî yê vera îşxalî bi kedêka pîle û fedakarî dewam keno. Gerîlayê YJA-Starî serkêşîya nê xoverdayîşî kenê, pê têkoşînê xo derbanê pîlan danê îşxalkeran ro û rayîr nêdanê înan. Embazanê ma Rewşene û Armance zî na xeta fedayîtîye ya têkoşînî de derbê giranî dayî dişmenî ro û şehîd bîyî. Înan ma rê têkoşînê xo mîras verda. Ma do têkoşînê înan hîna pîl bikerê û xeyalanê nê embazanê xo bîyarê ca.
Nasnameyê embazanê ma yê şehîdan wina yê:
|
|
Nameyê Qodî: Armance Arîn Name û Peyname: Aynure Atli Cayê Bîyayîşî: Amed Maye-Pî: Rahîme – Abdullah Tarîx û Cayê Şehadetî: 30ê Gulana 2022yî / Herêmê Pawitişî yê Medya |
|
|
Nameyê Qodî: Rewşene Hêvî Name û Peyname: Dîlane Aldan Cayê Bîyayîşî: Amed Maye-Pî: Gulistane– Abdulmurat Tarîx û Cayê Şehadetî: 30ê Gulana 2022yî / Herêmê Pawitişî yê Medya |
Embaza ma Armance Amed de dadîya xo ra bena. Embaze Armance 2009 de tewra xebatan bena û 2013 de tewra gerîlayan bena, verê xo dana koyanê azadan ê Kurdîstanî. Embaze Armance bi tewrbîyayîşê xo yê bêhesabî embazanê xo rê bena mîsal. Embaze Armance mîyanê Hêzanê Taybetan de ca gêna û bena fermandarêka YJA-Starî.Embaze Armance warê Zapî de wextêk têkoşîn kena û derbanê giranan dana artêşa tirke ya îşxalkere ro. Embaze Armance pêro emrê xo de bena wayîra tewirêkî û tim mîyanê xîretan de ca gêna.
Embaze Rewşene qezaya Licê ya Amedî de dadîya xo ra bena. Embaze Rewşene 2015 de xoverdayîşê xoîdarekerdişî vînena û naye ser bire dana ke tewra gerîlayan biba. A 2016 de verê xo dana koyanê azadan. Embaze Rewşene waştişê xo ser o tewrê Hêzanê Taybetan bena û naye ser o xo perwerde kena, aver bena. Embaze Rewşene rojawanê Zapî de vera dişmenî şer kena û Hemleya Şorişgêre ya Cengê Xabûrî de rolê pîlî ana ca, derbanê giranan dana dişmenî ro.
Embazanê ma Rewşene û Armance operasyono ke dewleta tirke ya faşîste ver bi rojawanê Zapî kerdo hîra, vera dişmenî tewr vernî de bi fedayîtî şer kerd. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''
