Merkezê Îrtîbatû Çapemenîye yê HPGyî derheqê şehadetê 6 gerîlayan de eşkerayîye daye û nê pare kerdî:

''21 û 27ê nîsana 2022yî de hêrişê dewleta tirke yê vera warê Kato Marinosî yê Wanî de hemrayê ma Adil, Dilgeş, Tîrej,Yilmaz, Sema û Rêber înanê ke heta hela peyêne bi hewayêkê qehremankî şer kerd, tewrê kerwanê şehîdan bîyî. Nasnameyê embazanê ma yê şehîdan wina yê:

Nameyê Qodî: Adil Amed Name û Peyname: Şehram Xusrevî Cayê Bîyayîşî: Saqiz Maye-Pî: Nesrîne – Kadir Tarîx û Cayê Şehadetî: 21ê Nîsana 2022yî / Wan

 

Nameyê Qodî: Dilgeş Azad Name û Peyname: Adem Elver Cayê Bîyayîşî: Wan Maye-Pî: Cemile – Rasim Tarîx û Cayê Şehadetî: 21ê Nîsana 2022yî / Wan

 

Nameyê Qodî: Tîrêj Botan Name û Peyname: Huseyin Ercan Cayê Bîyayîşî: Şirnex Maye-Pî: Rihane – Ahmet Tarîx û Cayê Şehadetî: 21ê Nîsana 2022yî / Wan

 

Nameyê Qodî: Yilmaz Serxwebûn Name û Peyname: Tohit Sadiqî Cayê Bîyayîşî: Salmas Maye-Pî: Feribane – Adil Tarîx û Cayê Şehadetî: 21ê Nîsana 2022yî / Wan

 

Nameyê Qodî: Sema Cûdî Name û Peyname: Sema Xelê Cayê Bîyayîşî: Dirbesiyê Maye-Pî: Rexda – Muhammed Tarîx û Cayê Şehadetî: 27ê Nîsana 2022yî / Wan

 

Nameyê Qodî: Rêber Ronî Name û Peyname: Semih Sayilgan Cayê Bîyayîşî: Bêdlîs Maye-Pî: Gulperi – Selahattin Tarîx û Cayê Şehadetî: 27ê Nîsana 2022yî / Wan

Hemrayê ma Adil bajarê Saqizî yê Rojhelatê Kurdîstanî de yeno dinya û keyeyêkê welatperwerî de beno pîl. Hema serranê xo yê ciwanîye Têkoşînê Azadîye yê Kurdîstanî nas keno û bado ke kitabanê Rayberîye waneno 2005 tewrê sefanê PKKyî beno.

Hemrayê ma Adil xo her hetî ra perwerde keno û demê kilmî de beno gerîyêko serkewte. Pê taktîkanê gerîlatîya dewre neweyî sey fermandarêkî hemrayanê xo rê serkêşîye keno. Bado ke Qendîl de tecrubeyê gerîlatîye keno pêser rarêveno Avaşîn. Dima ke tîya zî pratîko serkewte rayra beno Metîna û Heftanîn de gerîlatîye keno. Her waro ke tede maneno de wezîfeyanê xo bi serkewtişî ano ca û hetê embazanê xo ra yeno heskerdene.

Hemrayê ma Adil bi waştişê xo verê xo dano Botanî ke qiblegehê gerîlayan o. Botan de sey fermandarê serkêşî xeylêk çalakîyanê serkewteyan de ca geno.

Hemrayê ma Dilgeş Wan de yeno dinya û keyeyêkê welatperwerî de beno pîl. Hema serranê xo yê qijan de Têkoşînê Azadîye yê Kurdîstanî nas keno û pê tradîsyonê nê tekoşînî beno pîl. Seba ke merdimê ci mîyanê têkoşînê azadîye de est ê, zerrîya safî ra girêdayeyê têkoşînî yo û xebetanê ciwanîye de cayê xo geno.  Xeylêk rey yeno destbendkerdene la o çirey milê xo çewt nêkeno û rayîrê birayê xo Şehîd Azad Tolhildan (Mevlut Ever) yo ke 2017 şehîd bi teqîp keno û 2015 de verê xo dano koyanê azadan.

Gerîlatîya xo ya verêne Avaşîn de keno  û demê kilmî de beno wayîrê tecrubeyê pîlî. Hemrayê ma yo ke taktîkanê gerîlatîye de beno pîspor semedê xo averberdişî tim cigêrayîşan keno, museno û beno fermandarêko serkewte. Dima ra verê xo dano Botanî ke tim waştêne şiro. Botan de bi ruhe fedayîtîyî xeylêk çalakîyanê ca geno derbeyanê girdan dano dişmenî ro.

Hemrayê ma Tîrêj Cizêre de sey endamêkê eşîrê Kiçî yeno dinya. Hema serranê xo yê qijan de Têkoşînê Azadîye yê Kurdîstanî nas keno û pê tradîsyonê nê tekoşînî beno pîl û semedê pawitişê erd û şarê xo 2014 de tewrê sefanê gerîlayan beno. Perwedeyê xo yê verênî herra Botanî de geno û beno gerîlayêko serkewte. Kobenê de vera çeteyanê DAÎŞî şarê xo paweno û dima ra reyna agêreno Botanî. Wextê Xoverdayîşê Xoîdarekerdişî de Silopî de vera îşxalkeran şer keno. 2017 de seba ke tecrubeyê xo yê şerî dahîna hol biercno şino Herêmê Pawitişî yê Medya û Akedemîya Şehîd Îbrahîmî de perwerde vîneno. Badê perwerdeyî tay xebetanê krîtîkan ê zaf hesasan de ca geno. Vakurê Kurdîstanî yo ke tira sey şervanêkî vejîyeno sey fermandarêkê serkrewteyî agêrêno ci û Wan de tewrê xebatan beno.

 Hemrayê ma Yilmaz bajarê Salmazî yê Rojhelatê Kurdîstanî de yeno dinya û tradîsyonê welatperwerîye beno pîl. Seba ke hemerayê ma Yilmaz wina yew keyeyêkê erjîyayeyî de beno pîl partîya ma PKKyî nêzî ra nas keno. Hemrayê ma Yilmaz zî sey heme ciwananê birumetan ê bînan ê kurdan  perpîrsîyarîya xo ya semedê şar û welatê xo vîneno  û 2017 de tewrê sefanê gerîlayan beno. Gerîlatîya xo ya verêne warê Kelareşî de keno û dima ra ravêreno Metîna. Bado ke xo  her hetî ra aver beno û seba ke dewleta tirke ra hesabê qirkerdişan biperso verê xo dano Vakurê Kurdîstanî. Hemrayê Yilmaz rixmo ke Wan de demo kilm mameno beno fermandarêko serkewte.

 Hemraya ma Sema bajarê Dirbesîyê yê Rojawanî de yena dinya û pê tradîsyonê welatperwerîye bena pîl. Pê coşê Şorişê Azadîye yê Rojawanî 2014 de tewrê sefanê gerîlayan bena.

Hemraya ma Sema her hela xo seba ke xo  hetê leşkerî  û îdeolîyî ra perwerde bikera ravêrnena û badê perwerdeyê şerwananê neweyan ravêrena Zap û tîya şeş serrî  manena. Hemraya  Semma Zapî ra sey fermandarêka YJA Starî ravêrena  Akademîya Hakî Karerî de perwerde vînena û tecrubeyê xo ercnena û dima ra verê xo dana Vakurê Kurdîstanî. Hemraya Ma Sema Wan de heme wezîfeyanê xo bi serkewtiş ana ca.

Hemrayê ma Rêber Bêdlîs de yeno dinya û ercanê Kurdîstanî beno pîl. Heme qictîya xo de dişmenîya dewleta tirke ya vera şarê xo vîneno û bi nê hêrsî tim  wazeno mîyanê têkoşînî de ca bîgêro. 2015 de semedê wayîrvejîyayîşê erdê xo verê xo dano koyanê azadan ê Kurdîstanî. Botan de tewrê gerîlayan beno û heta şehadetê xo Botan de maneno.  Hemrayê Rêber wextanê tewr zehmetan de şer gerîlatîye keno û xeylêk çalakîyan de ca geno.

Sere de keyeyê erjîyayeyî yê hemrayanê ma şehîdan wa sereyê heme şarê welatperwerî yê Kurdîstanî weş bo. Ma soz danê ke ma do têkoşînê xo xurtêr bikerê û waştişê şehîdanê xo  bîyarê ca.''