Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye dayê û nê pare kerdî:

Avaşîn de 3 îşxalkerî ameyî kiştene

''Artêşa tirke ya îşxalkere 21ê teşrîna verêne de warê Kartalî yê herêma Avaşînî pê teyarayanê şerî û qereqolanê sînorî ra pê havan û obusan da bombayayan ver. Eynî şewe warê Girê Silêmanî, Girê Sorî, Gundê Dirê û Girê Kartalî dîyayî bombayan ver û dima ra herême de pê helîkopteran leşkerî ameyî cakerdene. 22ê teşrîna verê de îşxalkeranê ke waşt ver bi Warê Xoverdayîşî yê Girê Kartalî aver şirê mabênê înan û hêzanê ma de pêkewtişî qewimîyayî. Îşxalkerî bi desan rey masefeyo nêzdî ra ameyî pirodayene. Îşxalkerî tîya bi taktîke sabotajî ameyî pirodayene, tewr tay hîrê îşxalkerî ameyî cezakerdene û xeylêk zî birîndar bîyî.

Arêşa tirke Avaşîn de gazanê axûyênan şuxulnena

Artêşa tirke ya sûcdarê şerî ya ke nêeşkayê debikewê Warê Xoverdayîşî  saetanê nêmroje de 9 rey çekê kîmyewîyî û gazê axûyênî yê ke qedexeyê şuxulnayî. Reyna şewa 22ê teşrîna verêne ra heta saetanê serê sibayî yê 23ê teşrîna verêne 8 rey Warê Xoverdayîşî yê Kartalî de çeke kmîyewîyî û gazê axûyênî ameyî şuxulnayene. Girê Kartalî de pêkewtişê giranî dewam kenê.

Operasyonê Botanî ameyî betalkerdene

Artêşa tirke ya îşxalkere Warê Botanî de  30ê tebaxe de operasyono hîra da destpêkerdene. Operasyono ke waranê Çelê Bûka û Toranîsî yê herêma Kato ya ke Mabênê qezaya Şaxî ya Wanî û Elkê ya Şirnexî de ya ame kerdene û xeylêk leşkerî pîya bi teknîkê şerî tewrê ci bîyî hetê hêzanê ma ra pûç ame vetene. Îşxalkerî roja bîne ya operasyonî destveng agêrayî. 21ê êlule de artêşa tirke Şaxê Wanî de bado ke pê teyarayanê şerî warê Bindarê yê Kato Xelîla bombarduman kerd operasyono hîra da destpêkerdene.  No operasyon 23ê êlule de bênetîce peyser ame antene. Atêşa tirke ya îşxalkere 12ê teşrîna verêne de Çelê Bûka û Ava Masîroyî de operasyonêk da destpêkerdene û no operasyon zî 14ê teşrîna verêne de bênetîce peyser ame antene. Îşxalkeran menga êlule de dewanê Sîxurpaşa û Toranîsî û warê Derîyê Beqê yê Kato Jîrka de zaf operasyonî kerdî la nê operasyonan ra çîyêk dest nêfîna û mecbur mendî ke agêra.

22ê teşrîna verêne de warê Çemço û Werxelê yê Avaşînî û hetê qereqolanê sînorî ra pê havan û obusan dîyayî bombayan ver. Eynî roje warê Kafya yê Garê pê teyarayanê şerî dîya bombayan ver.''