Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke de eşekrayîye daye û nê pare kerdî:

''30ê gulane de warê Ciloyê Qicî yê Zapî de têgêrayîşê helîkopteran estbi. Pê helîkopteranê Skorskyan îşxalkerê ke Qilê Şehîd Serxwebûnî de bî ameyî bedilnayene. Eynî wextî de warê Ciloyê Qicî, Şamkê û Şehîd Tûfanî pê helîkoperan ameyî bombardumankerdene.Hêzanê ma di hetan ra mudaxaleyê helîkopteran kerd û pê çekanê giranan da piro. Badê nayî helîkopterî herême ra kewtî dûrî.

Dewleta tirke ya îşxalkere vera Herêmanê Pawitişî yê Medya pê obus, hewan, helikopter û teyarayanê şerî hêriş kerd. Detayê hêrişan wina yê;

Îşxalkeran 29ê gulane de qereqolanê sînorî ra obusî eştî dewa Hîrorê ya Kanî Masî ya qezaya Amedîye. Badê hêrişî erazîya dewe de şewat vejîya.

30ê gulane de warê Kafîya yê herêma Garê û warê Basya ya herêma Avaşînî (hîrê reyî) pê teyarayanê şerî ame bomardumankerdene. Reyna qeroqolanê sînorî ra obusî zî erzîyayî warê Basya û erazî de şewat vejîya. Eynî roje warê Mamreşo û Mervanosî yê herêma Avaşînî de îşxalkerî pê helîkopteran ameyî bedilnayene. Herêma Zap de zî qereqolanê sînorî ra obusî erzîyayî waranê Çemço û Sîda. Netîceya hêrişî de erazî de şewato ke vejîya vejîya hema dewam keno.

30-31ê gulane de warê Ciloyê Qicî yê Zapî pê teyarayanê şerî çar reyî ame bombardumankerdene. Nê hêrişan de vînîbîyayeyê ma çîn ê.

Dewleta tirke ya faşîste karekterê xo yê talankerdî Kurdîstan de pê birnayîşê daran reyna ramojnena. Dewleta tirke pê destê çeteyanê xo yê hemkaran Kurdîstan de cayo ke resana ci de daran birnena. Waranê ke nêresanê ci zî pê obus û hewananê ke benê sebebê şewatî, bombarduman kena û vêşnena. Eynî wextî de Başûrê Kurdîstanî de zî erazîya dewijan vêşnena. Bizanayî daristan û bexçeyanê şarî bombarduman kena ke ziraro madî bido ci. Heme şarê kurdî yo welatperwer û dezgehê selahîyetdarî ganî vera polîtîkya talankere ya dewleta tirke bêveng memanê.''