Merkezê Îrtîbatî û Çapamenîye yê HPGyî nasnameyê şehîdanê Besta eşkera kerdî. Eşkerayîye wina ya:

''Ma eşkerayîya xo ya 24ê gulana 2021î de dabi eşnawitene ke 5-8ê nîsane de dewleta tirke ya îşxalkere warê Mewîjkê, Givara û Şehîde Dîyana bi giranî dayê bombayan ver, nê waran de operasyonêko giran dîyayo destpêkerdene û pêkewtişê giranî qewimîyayê. Ma eşkerayîya xo de dabi zanayene ke embazanê ma Dîlane, Hebûne, Hêvî, Ezda, Tolhildan û Mizgîne sey fedayîyan şer kerd û şehîd bîyê. Nasnameyê embazanê ma yê şehîdan wina yê:

Nameyê Qodî: Dîlane Serdar Name û Peyname: Nahîde Eslîomerî Cayê Bîyayîşî: Selmas Maye-Pî: Rahime – Bade Tarîx û Cayê Şehadetî: 8ê Nîsana 2021î / Besta

Nameyê Qodî: Hebûne Zozan Name û Peyname: Yucele Yildiz Cayê Bîyayîşî: Wan Maye-Pî: Filize – Zeynel Abidin Tarîx û Cayê Şehadetî: 8ê Nîsana 2021î / Besta

Nameyê Qodî: Hêvî Firat Name û Peyname: Esra Atici Cayê Bîyayîşî: Kocaelî Maye-Pî: Hanime– Hikmet Tarîx û Cayê Şehadetî: 8ê Nîsana 2021î / Besta

Nameyê Qodî: Ezda Dilbirîn Name û Peyname: Xerîb Dalî Cayê Bîyayîşî: Kobanê Maye-Pî: Xece – Salih Tarîx û Cayê Şehadetî: 8ê Nîsana 2021î / Besta

Nameyê Qodî: Tolhildan Zevkî Name û Peyname: Vedat Oklu Cayê Bîyayîşî: Wan Maye-Pî: Saadete – Hasan Tarîx û Cayê Şehadetî: 8ê Nîsana 2021î / Besta

Nameyê Qodî: Mizgîne Çekdar Name û Peyname: Yildize Bahadır Cayê Bîyayîşî: Adana Maye-Pî: Ayşe – Adil Tarîx û Cayê Şehadetî: 8ê Nîsana 2021î / Besta

Embazanê ma derbê giranî dayî dişmenî ro, bîyî estare û rîpelanê ercîyayeyan ê tarîxê têkoşînî de cayê xo girewt.

Embaze Dîlane şaristanê Selmasî yê Rojhelatê Kurdîstanî de dadîya xo ra bîya û vera înkar û asîmîlasyonî tewra gerîlayan bîye. Embaze Dîlane Qendîl, Zap, Kerkûk û Xakûrkê de têkoşîn kerd û dima derbazê Botanî bîya. Embaze Dîlane YJA-Starî de asta fermandarîye de wezîfe kerd û tim pê kesayet û tewirê xo bîya mazhara hûrmetê embazanê xo.

Embaze Hebûne Wan de dadîya xo ra bîya û seba cuya azade tewra gerîlayan bîye. Embaze Hebûne herêma Botanî de pratîkê gerîlayan mojna, tim vera îşxalkeran tewirêko xurt mojna. Embazê ci do têkoşînê aye rê dewam bikerê.

Embaz Firate Kocaelî de dadîya xo ra bîya û vera qirkerdişê dewleta tirke tewrê têkoşînê gerîlayan bîye. Embaze Hêvî Herêmanê Pawitişî yê Medya, Şingal û Botan de têkoşîn kerd. Aye pê qerardarî û terzê xo tim netîce girewt û mazhara heskerdiş û hûrmetê embazanê xo bîye.

Embaze Ezda Kobanê de dadîya xo ra bîye û 2012 de tewra gerîlayan bîye. Embaze Ezda Avaşîn, Garê, Zap û Metîna de wezîfe kerd û tim xeta Zîlane ser o tewirêk mojna. Embaze Ezda tim pê kesayetê xo yê kedarî vejîyaye vernî û kesayetê xo yê milîtanîye mojna ra.

Embaz Tolhildan Wan de dadîya xo ra bîyo û seba cuya azade tewrê gerîlayan bîyo. Embaze Tolhildanî wextêkê kilmî de bi fermandar, derbê dişmenî dayî îşxalkeran ro û xîret kerd ke xo aver bero. Embaz Tolhildanî pêro wezîfeyê xo ardî ca û kedêka pîle daye têkoşînî.

Embaze Mizgîne Adana de dadîya xo ra bîya û hema ke ciwane bîye Botan de tewra gerîlayan bîye. Embaze Mizgîne heta şehadetê xo bêteredut têkoşîn kerd û felsefeya Rayberîye ser o bi xorinî xebitîyaye. Embaze Mizgîne tarîxê azadîye de tim do bêra vîrardene û mîsalkerdene.

Sere de keyeyanê ercîyayeyan ê embazanê şehîdan rê ma pêro şarê welatperwerî yê Kurdîstanî rê serweşîye wazenê. Ma do têkoşînê embazanê xo berz bikerê û pê serfîrazîye tacîdar bikerê.''