Merkezê Îrtîbatî û Çapemenîye yê HPGyî nasnameyê 4 gerîlayanê ke Amed de şehîd bîyî eşkera kerdî. Eşkerayîye wina ya:

''10ê êlula 2021î de artêşa tirke ya îşxalkere vera warê Şehîd Kendalî yê Amedî operasyonê îşxalî dabi destpêkerdene. Embazanê ma Dijwarî û Mervanî nê operasyonî de komêka îşxalkeran girewt binê kontrolî û derbê giranî dayî înan ro. Netîceya pêkewtişan de 2 îşxalkerî ameyî cezakerdene û xeylêk îşxalkerî zî birîndar bîyî. Artêşa îşxalkere 12ê êlule de operasyon kerd hîra û mabênê hêzanê ma û îşxalkeran de pêkewtişê giranî qewimîyayî.  Rixmê vengdayîşê teslîmîyet û bêbextîye yê îşxalkeran zî milîtananê Apogîran pê xoverdayîşî cewab da înan. Embazanê ma heta guleyê xo yê peyênî şer kerd û seba ke esîr mekewê xo ser de bombayî teqnayî, şehîd bîyî.

Nasnameyê embazanê ma yê şehîdan wina yê:

Nameyê Qodî: Dijwar Amed Name û Peyname: Hamza Arkin Cayê Bîyayîşî: Amed Maye-Pî: Lutfîye – Mustafa Tarîx û Cayê Şehadetî: 12ê Êlula 2021î / Amed

Nameyê Qodî: Mervan Ararat Name û Peyname: Muhammed Ezgî Cayê Bîyayîşî: Agirî Maye-Pî: Fatma – Feremez Tarîx û Cayê Şehadetî: 12ê Êlula 2021î / Amed

Embaz Dijwar Amed de dadîya xo ra bîyo. Embaz Dijwarî vera dişmenî têkoşîno çekdar weçîna û o 2015 de tewrê gerîlayan bi. Ey 3 serran Eyaletê Zapî de wezîfe kerd û tecrubeyî vistî destî. Embaz Dijwar Zapî ra dima agêra Amed û tîya de xeylêk wezîfeyanê stratejîkan de ca girewt. Tewr peyên o Licê de wezîfeyê xo ser de dima ke pê îşxalkeran hesîya embaz Mervanî reyde kewt dima înan. Embaz Dijwar û Mervanî îşxalkerî girewtî binê kontrolê xo û bi hawayêkê tesîrînî da leşkeranê dişmenî ro. Embaz Dijwarî tîya de pê çêrê têkoşîn kerd û vera vengdayîşê teslîmîyetî yê dişmenî xo ser de bomba teqnaye.

Embaz Mervan Bazîd de dadîya xo ra bîyo. Ey ciwanîya xo ra nata xebatanê PKKyî de ca girewt la 2016 de esîr bi û tay wextî zîndan de mend. Embaz Mervan 2019 de dima ke zîndanî ra vejîya Amed de tewrê gerîlayan bi. Embaz Mervan bi tecrubeyê xo bi gerîlayêko marîfetin û serkewte. Ey tecrubeyê ke zîndan de girewtî embazanê xo reyde pare kerdî û tim wezîfeyê xo bêkêmasî ardî ca. Embaz Mervan pê kesayetê xo yê durist û sadeyî bi mazharê hûrmet û heskerdişê embazanê xo. Ey vera vengdayîşê teslîmîyetî yê dişmenî xo ser de bomba teqnaye û mojna ke qetî bêbextîye qebul nêkero.

2 gerîlayî bombarduman de şehîd bîyî

8ê êlula 2021î de Amed de warê Şehîd Brûskî de embazê ma Brûsk û Dijwar wexto ke wezîfeyê xo ser de bîyî artêşa tirke ya îşxalkere war da bombayan ver û embazê ma Brûsk û Dijwar nê bombardumanî de şehîd bîyî.

Nasnameyê embazanê ma yê şehîdan wina yê:

Nameyê Qodî: Brûsk Deyndar Name û Peyname: Senar Delayimilan Cayê Bîyayîşî: Mako Maye-Pî: Gulikî – Îslam Tarîx û Cayê Şehadetî: 8ê Êlula 2021î / Amed

Nameyê Qodî: Dijwar Şerzan Name û Peyname: Zîndan Yenî Cayê Bîyayîşî: Amed Maye-Pî: Menîce – Hasan Tarîx û Cayê Şehadetî: 8ê Êlula 2021î / Amed

Embaz Brûsk şaristanê Makûyî yê Rojhelatê Kurdîstanî de dadîya xo ra bîyo. Embaz Brûskî dima ke PKK şinasna 2006 de verê xo da koyanê Kurdîstanî û bi gerîla. Embaz Brûskî xeylêk wextî wezîfeyê fermadarîya cepheyî kerd, xeylêk çalakîyanê serkewteyan de derbê giranî dayî dişmenî ro. Rixmo ke nê şeranê giranan de zaf reyî birîndar bi ey qetî têkoşînî ra fek vera nêda û bi coş û moralî tim tewrê têkoşînî bi. O waştişê xo ser o 2018 de derbazê Vakurê Kurdîstanî bi û Amed de wezîfe kerd. Ey Amed de vera dişmenî çalakîyê serkewteyî ardî ca. Embaz Brûsk pê têkoşîn û embazîya xo bi mazharê heskerdişê embazanê xo. O do tim bibo sebebê têkoşînê ma.

Embaz Dijwar qezaya Farqînî ya Amedî de dadîya xo ra bîyo. O 2016 de vera hêriş û qirkerdişanê dewleta tirke tewrê gerîlayan bi. O tim bi milîtanêko rayber ê têkoşînê ma. Embaz Dijwar heta serra 2020î xeylêk cayanê cîya-cîyayan de wezîfe kerd û dima derbazê Eyaletê Amedî bi û tîya de şer pratîze kerd. Embaz Dijwar pê embazîya xo, kesayetê xo, çêrîya xo û qerardarîya xo tim bi milîtanêko mîsal. Embaz Dijwar tim do rayberîya embazanê xo bikero.

Embazê ke Amed de şehîd bîyî rayraşîyayîşê azadîye û serfîrazîye yê şarê ma de do bibê meşale û pê ked û fedakarîya xo rayîrê ma roşnî bikerê. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''