Merkezê Îrtîbatî û Çapemenîye yê HPGyî bi eşkerayîyêke nasnameyê 5 gerîlayanê ke Metîna de şehîd bîyî eşkera kerdî.

Eşkerayîye wina ya:

''Embazanê ma Hêzile, Laşer, Serene, Şerzan û Sîyabend 25ê gulane de, warê Girê Hekarî yê Metîna de vera hêrişanê îşxalî derbê giranî dayî artêşa tirke ro û şehîd bîyî. Nê embazê ma yê Apogîrî pê tewirê fedayîyî û xorinîya xo pêro embazanê xo rê bîyî mîsal. Ma soz danê ke rixmê pêro şert û mercan zî ma do têkoşînê nê embazanê xo nêmcet nêverdê.

Nasnameyê embazanê ma yê şehîdan wina yê:

Nameyê Qodî: Hêzile Rizgar Name û Peyname: Nazlîye Hesen Cayê Bîyayîşî: Efrîn Maye-Pî: Suheyla – Mehemed Atun Tarîx û Cayê Şehadetî: 27ê Gulana 2022yî / Metîna

Nameyê Qodî: Laşer Agîd Name û Peyname: Ebubekîr Şîmşek Cayê Bîyayîşî: Mûş Maye-Pî: Safîye – Suleyman Tarîx û Cayê Şehadetî: 27ê Gulana 2022yî / Metîna

Nameyê Qodî: Serene Nehir Name û Peyname: Hulya Kaya Cayê Bîyayîşî: Sêrt Maye-Pî: Hanife – Emin Tarîx û Cayê Şehadetî: 28ê Gulana 2022yî / Metîna

Nameyê Qodî: Şerzan Kurt Name û Peyname: Ferhat Eşiyok Cayê Bîyayîşî: Riha Maye-Pî: Nezmiye – Kasım Tarîx û Cayê Şehadetî: 25ê Gulana 2022yî / Metîna

Nameyê Qodî: Siyabend Avesta Name û Peyname: Muhammed Xelil Cayê Bîyayîşî: Kobanê Maye-Pî: Elya – Xelil Tarîx û Cayê Şehadetî: 29ê Gulana 2022yî / Metîna

Embaze Hêzile Efrîn de dadîya xo ra bena. 2014 de dima ke kekê ci Xoverdayîşê Kobanê de şehîd bi, embaze Hêzile zî tewra gerîlayan bena. Embaze Hêzile sere de Qendîl de xeylêk waran de têkoşîn kena û xîretêkê pîlî ra dima bena fermandarêka YJA-Starî. Embaze Hêzile dima mîyanê Hêzanê Taybetan de ca gêna û vera hêrişanê îşxalî yê dewlete yê vera Başûrê Kurdîstanî de sey fermandarêke rolê xo ana ca. Embaze Hêzîle Warê Xoverdayîşî yê Girê Hekarî de 27ê gulane de bi ruhê fedayî şîye serê dişmenî û fermandarîya çalakîya ke tede 18 îşxalkerî ameybî cezakerdene, kerde.

Embaz Laşer qezaya Mûşî de dadîya xo ra beno. Embaz Laşer 2006 de tewrê xebatanê ciwanan beno û 2013 de zî Amedî ra tewrê gerîlayan beno. Embaz Laşer wextê hêrişanê DAÎŞî de Kobanê de vera hêrişan ca gêno û bi giranî birîndar beno. Tedawî ra dima 2016 de o reyna derbazê koyanê Kurdîstanî beno û Akademîya Mazlûm Doganî de perwerde vîneno. O mîyanê Hêzanê Taybetan de ca gêno û xeta fedayîtîye de xo xorin keno. O 27ê gulane de embaze Hêzile reyde şino serê dişmenî û çalakîya ke tede 18 îşxalkerî ameybî cezakerdene, de şehîd beno.

Embaze Serene Sêrt de dadîya xo ra bena. Embaze Serene Herekol de tewra gerîlayan bena û tîya ra sey gerîlayêke derbazê Zapî bena. Embaze Serene wextê hêrişanê DAÎŞî de Rojawan de têkoşîn kena, reyna 2019 de Serêkanîyê de vera hêrişanê îşxalî yê dewleta tirke şer kena û uca ra ancî verê xo dana koyanê Kurdîstanî. A wextêk Akademîya Şehîde Bêrîtane de perwerde vînena, tewra xebatanê Qeragehê Merkezî bena û 2016 de mîyanê Hêzanê Taybetan de ca gêna. A 25ê gulane de Girê Hekarî de derbanê giranan dana dişmenî ro, 28ê gulane de Girê Şehîd Şoreşî de baska hêrişî ya çalakîya sereştişî de ca gêna û 3 îşxalkeran ceza kena. A na çalakîye de şehîd bena.

Embaz Şerzan Riha de dadîya xo ra beno. Embaz Şerzan 2010 de wexto ke embazê ci Şerzan Kurt hetê polîsanê faşîstan ra kişîya bire dano ke tewrê gerîlayan bibo û 2012 de verê xo dano koyan. Embaz Şerzan 3 serran Qendîl de pratîk keno û dima vera hêrişanê DAÎŞî Şingal de têkoşîn keno. Embaz Şerzan azadîya Şingalî ra dima derbazê Herêmanê Pawitişî yê Medya beno û 2020 de sey fermandarêkî şino Metîna. Embaz Şerzan 25ê gulane de Girê Hekarî de hêrişanê îşxalî de şehîd beno.

Embaz Sîyabend  Kobanê de dadîya xo ra beno. Embaz Sîyabend verî Şorişê Rojawanî de mîyanê xebatan de ca gêno, Şehba û Efrîn de birîndar beno la mabên nêdano têkoşînî. Embaz Sîyabeno ke serkewtişanê xo ra zaf dîyarîyî girewtê, dima bi qerardarî tewrê gerîlayan beno. O Warê Xoverdayîşî yê Girê Hekarî de 29ê gulane de bi ruhê fedayîtî şi serê cenazayanê 9 îşxalkeran. Embaz Sîyabendo ke mîsalê çêrî û qerardarî yo, vîrameyîşê ci tim do vernîya ma roşnî bikero.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''