Merkezê Îrtîbatî û Çapemenîye yê HPGyî eşkerayîyanê îdarekaranê hukmatê tirkî, çalakîyanê gerîlayan û hêrişê artêşa tirke de eşkerayîye daye.

HPGyî vat: “Badê çalakîya fedayî ya Anqara wezîrîya karanê zereyî û şerî yê  rejîmê qirkerî yê AKP-MHPyî ra kesê ke eşkerayîyan danê bi tamamî raştîyan nimnenê, xîlaf vanê. Hetêkî ra vanê ê vera hucreyanê rakewteyan operasyon kenê û 18 bajaranê Kurdîstan û Tirkîya de bi operasyonanê hîrayan hêrişê sîyasetmedar û dezgehanê kurdan kenê, hetê bînî ra bi zûrê fedayîyanê Anqara Rojawan de perwerde dîyo, Îdareyê Xoserî yê Rojawanî hedef genê. Bêşik ê bi zûran semedê hêrişî gêrenê sebeban. Wa no bêro zanayene ke  eleqeya çalakwananê fedayîyan ê Tabûrê Bêmergan bi Rojawanî çîn a. Reyna tekîlîya hermayanêma yê qehremanan bi kesanê ke sîyasetê fermî kenê zî çîn a.

Eşkera yo ke dewleta tirke dejê na çalakîya tarîxî ra hêrişê her hetî kena. Îdareyê AKP-MHPyî yo ke şerê vera kurdan de derbeyê girdî werdî, keno ke bi îşkence, tepiştiş, qirkerdişê însananê masûman tengayîye ra vejîyo. Îdarekarê dewleta tirke sey nêweşîya huhî tim PKK û YPGy pabestenê pîya. Dişmenê kurd û Kurdîstanî bi nê tewirî kenê ke şarê kurdî wa çirey qet cayêk  de heqê xo dest nêfîno. Reyna dewleta tirke îdîa kerd ke badê çalakîya Anqara hêrişê vera Herêmanê Pawitişî yê Medya de  xeylêk hêzanê ma dinyaya xo bedilnaye. Nê hêrişan de qet hêzanê ma yê gerîlayan ra çewî/e dinyaya xo nêbedilnaye. Eşkerayîye dewlete û artêşa tirke pêro zûr ê, semedê şerê psîkolojîkî yenê kerdene. Ma veng danê şarê xo û rayrapêroyîye ke wa vera nê îqtîdarê faşîstî hîsgêr bê zûranê ci rê mexapîyê.” 

Derheqê çalakîyanê gerîlayan û hêrişê artêşa tirke de nê ameyî parekerdene:

 “Herêma Zapî;

4ê teşrîna verêne de Warê Xoverdayîşî yê Girê Cûdîyî de îşxalkerî di rey pê çekanê giranan ameyî pirodayene. Nê çalakîyî hetê hêzanê ma yê YJA Starî ra ameyî kerdene. Eynî roje Warê Xoverdayîşî yê Girê Amediyê de îşxalkerî bi taktîkê suîkastî ameyî pirodayene, 2 îşxalkerî ameyî cezakerdene.

Bombarduman;

4ê teşrîna verêne de Herêma Şehîd Delîlî ya Rojhelatê Zapî, warê Gundê Kanîsarkê, Gundê Bilindbazê, Gundê Gûzê, Girê Reşîd û Deşta Kafya yê herêma Garê, warê Serê Metîna, Gundê Bêşîlî, Golka yê Metîna pê teyarayanê şerî 13 rey dîyayî bombayan ver. Reyna herêmê Zap û Metîna pê topan dîyayî bombayan ver.”