HPG: Agirî de 10 leşkerê Artêşa Tirkan a îşxalkere ameyî kiştene

Merkezê Îrtîbatî û Çapemenîye yê HPGyî pare kerd ke Agirî de çalakîyêka gerîlayan de tewr tay 10 leşkerê tirkan ameyî kiştene.

Merkezê Îrtîbatî û Çapemenîye yê HPGyî  derheqê çalakîyanê gerîlayan û hêrişê îşxalkeran de beyanatêko nuştekî weşana.

Beyanatê HPGyî wina yo: "Çarçewa Hemleya  Şorişgêra ya Serkewtişî  de Eyaletê Serhedî de nêzdîyê qereqolê Şilî yê qezaya Bazîdî yê Agirî de hêzanê ma yewîyêka artêşa TCyî ya îşxalkere girewte binê kontrolî  û 9ê teşrîna peyêne de saete 13:00 de çalakîyêka sabotajî kerde. Na çalakîye de 10 leşkerê Artêşa Tirkan a îşxalkere ameyî kiştene û 10 leşkerî zî birîndar bîyî.

Çarçewa Hemleya Şorişgêre  ya Cengê Heftanînî  ya ke herêma Heftanînî ya Herêmanê Pawitişî yê Medya de dewam kena hêzanê ma vera artêşa TCyî ya îşxalkere çalakîyî kerdî. Na çarçewe de : 10ê teşrîna peyêne de saet 15:45 de hêzanê ma vera leşkeranê îşxalkeran ê Girê Partîzanî çalakîyêke kerde û derbeyê giranî dayî dişmenî  ro la hûmara leşkerê merde û birîndaran nêameye tesbîtkerdene. 11ê teşrîna verêne de saete 08:20 de hêzanê ma Girê Partîzanî de çalakîyêka bîne kerde. Na çalakîye de zaf kon û konteynîrê dişmenan ameyî îmhakerdene. Hûmara leşkeranê ke çalakîye de merdî û birîndar bîyî nêameye eşkerakerdene.

Teyarayanê şerî yê artêşa TCyî ya îşxalkere vera Herêmanê Pawitişî yê Medya hêrişê hewayî kerdî: 8ê teşrîna peyêne de teyarayanê şerî warê Kesta yê herêma Metîna ser o bombayî varnayî. 10ê teşrîna peyêne de teyarayanê şerî warê Tepê Sorî yê herêma Avaşînî ser o bombayî varnayî. 12ê teşrîna peyêne de warê Werxele yê herêma Avaşînî ame bombavarnayene."