Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî: 

Hemleya Şorişgêre ya Cengê Xabûrî 

''Hêzanê ma yê YJA Starî 22ê teşrîna verêne de qezaya Qilebanî ya Şirnexî de vera îşxalkeran çalakîya sabotajî kerde. Kamyonê artêşa tirke yê ke Qereqolê Elemunî ra Girê Tangê rê malzemeyo leşkerî kiriştêne ame pridayene. Netîceya çalakîye de îşxakerêk ame cezakerdene û îşxalkerêk zî birîndar bi. Kamyon pîya malzemeyê ke tede bi ameyî îmhakerdene.  Na çalakîya serkewtîye semedê yadkerdişê fermandara ma ya bêmerge Şehîde Bêrîtane (Gulnaze Karataş) ameye kerdene.

Hemleya Şorişgêre ya Bazanê Zagrosî

24ê teşrîna verêne de helîkopterê hêrişî yê ke waştêne warê Tîpa Tyî yê herêma Zapî bombarduman bikerî hetê hêzanê ma ra ameyî hedefgirewtene. Netîceya mudaxaleyê hêzanê ma de helîkopterî mecbur mendî de peyser agêrê. Eynî roje dormeyê Girê Şehîd Elî yê herêma Avaşînî de îşxalkerî bi taktîkê sûîqastî ameyî pirodayene, îşxalkerêk ame cezakerdene.

Warê Xoverdayîşî yê Girê Kartalî û Werxelê

Artêşa tirke ya îşxalkere 23ê teşrîna verêne de pê gazanê kîmyewîyan û hêrişê Warê Xoverdayîşî yê Girê Kartalî kerd.  Badê bombardumanî îşxalkeran waşt aver şirê la şevananê ma destûrê înan nêda. Mabênê hêzanê ma û îşxalkeran de heta saetanê şanî pêkewtişanê giranan dewam kerd. Netîceya pêkewtişan de îşxalkerî nêeşkayî aver şirê. Roja bînî reyna 4 rey çekê kîmyewîyî ameyî şuxulnayene.  Îşxalkerî 4 rey hetê hêzanê ma ra mesafeyo nêzdî ra ameyî pirodayene û di dronî  zî hetê hêzanê ma ra ameyî pirodayene. 25ê teşrîna verêne de hêrişê pê çekanê kîmyewîyan yê vera Warê Xoverdayîşî yê Girê Kartalî û pêkewtişê giranî dewam kenê. 24ê teşrîna verêne de Warê Xoverdayîşî yê Werxelê pê çekanê giranan û çekanê kîmyewîyan dîya bombayan ver.

24ê teşrîna verêne de xeta Qaşûra ya herêma Metîna û waranê Girê Kartalî, Werxelê, Tabûrê Ereban û Banista yê herêma Avaşînî de têgêrayîşê helîkopteran qewimîya û eynî roje warê Çemçoyî  yê herêma Zapî pê teyarayanê şerî ame bombardumankerdene.''