Merkezê Îrtîbatî û Çapemenîye yê HPGyî derheqê hêrişanê îşxalî û xoverdayîşê gerîlayan de eşkerayîyêke daye. Eşkerayîye wina ya:

''Çarçewa Hemelya Şorişgêre ya Cengê Xabûrî de herêma Metîna de;

23ê teşrîna verêne de Girê Koordîne de hêzanê ma yê YJA-Starî pê taktîkê sûîkastî da komêka îşxalkeran ro. Na çalakîye de ke semedê vîrameyîşê Fermandara Bêmerge Bêrîtane ameya kerdene 2 îşxalkerî ameyî cezakerdene.

Warê Xoverdayîşî yê Girê Qertalî yê Avaşînî de;

23ê teşrîna verêne de artêşa tirke ya îşxalkere pê çeka kîmyewîye, gazê jehrînî û teqaberan hêrişê Girê Qertalî kerd. Nê bombardumanan ra dima îşxalkeran 8 reyî xîret kerd ke aver şorê û mabênê înan û hêzanê ma yê Girê Qertalî de pêkewtişê giranî qewimîyayî. La îşxalkerî nêeşkayî aver şorê. Artêşa îşxalkere bi mabênan pê teqaberan û çeka kîmyewîye bombardumanê vera Warê Xoverdayîşî yê Girê Qertalî rê dewam kena.

23ê teşrîna verêne de warê Şehîd Elî û Stûnê yê avaşînî dîyayî bombayan ver û heman roje waranê Benista, Tabura Ereban û Merwanosî yê Avaşînî de têgêrayîşê helîkopteran qewimîya.

Reyna 23ê teşrîna verêne de warê Kela Bêdewe û Tîpê Tyî yê Zapî de û xeta Qaşûra ya Metîna de têgêrayîşê helîkopteran qewimîya û warê Çemçoyî, warê Koordîne û Kela Qumrîyê û dormeyê dewanê Serarû û Dêrşîşê dîyayî bombayan ver.''