HPGyî ra bîlançoya 6 mengan: 670 îşxalkerî ameyî cezakerdene

HPGyî bîlançoya 6 mengan a şerê Avaşîn, Zap û Metîna eşkera kerde. Goreyê bîlanço gerîlayan 599 çalakîyî kerdî, 670 îşxalkerî ceza kerdî, bi desan çeke û wesayîtî îmha kerdî. Dewleta tirke ya îşxalkere 323 reyî pê çeka kîmyewîye hêriş kerd.

Merkezê Îrtîbatî û Çapemenîye yê HPGyî bîlançoya 6 mengan a şerê Avaşîn, Zap û Metîna eşkera kerde.

Eşkerayîye wina ya:

''Çarçewa Hemleyanê Şorişgêran ê Cengê Xabûrî û Bazanê Zagrosî de Avaşîn, Metîna û Zap de xoverdayîşêko bêhempa yê gerîlayan û prosesê şerî menga 6. ya dekewenê menga 7. Nê prosesê şerî yo ke her hela ci bi xoverdayîşê bêmabênî û ruhê berzî yê Apogîrî yeno kerdene hema zî dewam keno û tede netîceyê girîngî yê tarîxî vejîyenê werte.

Netîceyê bîlançoya şeş mengan îsbatê ci yê ke dewleta tirke nêeşkaye planê xo raşt bikera û nê hêrişan de bin kewte.Rixmo ke çekanê tewr averan ê nê dewrî reyde çeka kîmyewîye şuxilnena û PDK zî verê gerîlayan gêno AKP-MHP nê şerî ra netîce nêgirewte û bin visîya. No binkewtişê înan qasê binkewtişê înan ê Garê qetî yo. La rejîmê AKP-MHPyî xîret keno ke nê binkewtişî rayaumûmîye ra binimno. Rejîmê AKP-MHPyî rixmo ke bi şuxilnayîşê çeka kîmyewîye sûcê şerî kerd reyna zî binkewtişî ra nêxelisîya. Semedo ke rejîmê AKP-MHPyî pê Gerîlayanê Azadîye yê Kurdîstanî nêeşkayî krîzê sîstemê ci bîyo giranêr.

Hêrişanê dişmenî de ke 23ê nîsane de dest pêkerd asta tewr girînge şuxilîyayîşê çeka kîmyewîye bi. A raşte dewleta tirke ya îşxalkere sibata 2021î de hêrişê Garê de zî semedo ke binkewtişê xo binimna pê çeka kîmyewîye hêriş kerd û 6 embazê ma pê na çeke şehîd kerdî. Hêzanê ma yê gerîlayan hêrişê hewayî û erdî yê dişmenî pê taktîkanê gerîlayan ê dewrê neweyî pûç kerdî coka înan  bi giranî dest eşt çeka kîmyewîye. Rixmo ke goreyê tesbîtanê hêzanê ma 6 mengan de 323 reyî hêrişê bi çeka kîmyewîye ameyî kerdene mîqtaro raştikên ê şuxilnayîşê çekan hîna zêde yo.

Nê 6 mengan de Avaşîn, Zap û Metîna de 101 embazê ma şehîd bîyî. Nînan ra 32 embazê ma pê çeka kîmyewîye resayî şehadetî ke pê 6 şehîdanê Garê bi temamî 38 embazê ma pê çeka kîmyewîye ameyî şehîdkerdene.

Hêrişê ke hetê artêşa tirke ya îşxalkere ra ameyî kerdene;

-Artêşa tirke ya îşxalkera ke pê xoverdayîşê gerîlayan nêeşkayî her roje bêmabên Herêmê Pawitişî yê Medya erd û hewayî ra dayî bombayan ver. Başûrê Kurdîstanî de xeylêk bax, baxçe, dew û wesayîtî zî dayî bombayan ver. Nê bombardumanan de hem zerar resa mal û mulkê şarê ma yê Başûrî hem zî şarê Başûrî şehîdî dayî.

-Artêşa tirke ya îşxalkere nê bombardumanan de nêeşkaye ser bikewe coka bêvengîya rayaumûmîya mîyanneteweyîye û selahîyetdaran ra hêz girewt û rixmo ke sûcê şerî û vera merdimîye yo çeka kîmyewîye xebitnaye. Şerê 6 mengan de ame tesbîtkerdene ke artêşa îşxalkere vera tunel û mewzîyanê şerî 323 reyî çeka kîmyewîye û gazo jehrîn xebitnayî. Artêşa tirke ya îşxalkere nê kerdişan ra zî netîce nêgirewte û bi taybetî menganê êlule û teşrîna verêne de çeka kîmyewî ya tîpê neweyî şuxilnaye ke na çeke sebebê texrîbatanê pîlan bena.

-Leşkero kîrakerde yê artêşa tirke Sezaî Gungor wexto ke waşt teslîmê hêzanê ma yê gerîlayan bibo hetê leşkeranê bînan ê tirkan ra ame kiştene.

Çalakîyê ke hetê hêzanê ma ra ameyî kerdene;

-1 Çalakîya Sereştişî

-2 Çalakîyê Dafike

-12 Çalakîyan Dekewtişê Mîyanê

-39 Çalakîyê Hêzanê Pawitişê Hewayî

-44 Çalakîyê Koordîne û Hemwextî yê Gerîlayan

-54 Çalakîyê Sûîkastî

-63 Çalakîyê Derbkerdişî

-91 Çalakîyê Hêrişî

-98 Çalakîyê Sabotajî

-132 Çalakîyê bi Çekanê Giranan

-63 Çalakîyê vera îşxalkeranê ke wexto ke waştêne aver şorê ameyî pirodayene.

-Bi temamî 599 çalakîyê gerîlayî ameyî kerdene.

Netîceya çalakîyanê hêzanê ma de;

 -5ê ci kontra, 655î leşkerî û cergî goreyê tesbîtan 670 îşxalkerî ameyî cezakerdene.

-96 îşxalkerî birîndar bîyî.

Malzemeyê leşkerî yê ke hêzanê ma dest nayo ser;

-Cîhazo bêtel
- Çekêka MPTyî

- Çekêka bombaştoxe

- Çekêka B7 (Bîsîvîng)

- Dûrbînêka roje

- Dûrbînêka termale

- Dedektorêkê mayinî

- 2 dûrbînê çeke

- 2 çekê BKCyî

- 2 Droneyî

- 2 makînayê fotografan

- 6 çenteyê leşkerî

- Bi tonan teqaberî

- Kunyeyê leşkeran

- Gelek hacetê leşkerî

Malzemeyê leşkerî yê hêzanê ma îmha kerdî;

- Wesayîtêkê leşkerî yê bi tîpê transîtî

- Kepçeyêko pîl

- Wesayîtêkê bi paletî yo ke dûrî ra kontrol beno

- 2 hacetê leşkerî yê normalî

- 4 Wesayîtê bi tîpê Reoyî

- 4 Wesayîtên leşkerî yê zirxînî yê bi tîpê Kîrpî

- 6 bombaeştoxî û çeperê ci

- 7 çekê A4î û çeperê ci 

- Kamelyayêke

- Dûrbînêka teleskopî

- 2 dedektorî

- 2 kamerayê sereyî

- 4 radarî

- 6 droneî

- 34 sîstemê kamerayanê mobeseyî

- Bi dehan xeymî

- Mertalê ke fîşekî tira derbaz nêbenê

- Bi tonan teqaberî û bi seyan çeperî ameyî îmhakerdene.

Wesayîtê dişmenî yê ke hêzanê ma derbî dayî piro;

- Kepçeyêko pîl

- 4 kepçeyî

- 5 Wesayîtê leşkerî

- 6 droneyî

- 6 helîkopterî

- 14 helîkopterê hêrişî