Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkrayîye wina ya:

''Gerîlayanê azadîye vera operasyonanê îşxalî yê artêşa tirke ya kolonyalîste, Başûrî ra heta Vakurî her cayê Kurdîstanî vurna warê xoverdayîşî û derbê giranî dayî îşxalkeran ro. Çalakîyanê tîmanê gerîlayan ê profeyonelan de 9 îşxalkerî ameyî cezakerdene, 3 îşxalkerî birîndar bîyî, 1 wesayîtê bi tîpê Reoyî, 1 mewzî, 1 çeka A-4î û 1 çeka bombaeştoxe ameyî îmhakerdene.

Detayê çalakîyan wina yê:

Herêma Botanî de;

20ê nîsane de artêşa îşxalkere warê Cûdîyî yê Şirnexî de operasyonêkê îşxalî da destpêkerdene.23ê nîsane de îşxalkerî warê Koyê Difinî de hetê hêzanê YJA-Starî ra gêrîyayî binê kontrolî û dima ameyî pirodayene. Heman roje şan îşxalkerî reyna mesafeyêka nêzdîye ra hetê hêzanê YJA-Starî ra ameyî pirodayene. Çalakîyanê YJA-Starî ra dima artêşa tirke war bi giranî da bombayan ver û xo apey ant.

27ê nîsane de warê Helena Pîrî yê Şirnexî de yewinêka nimite ya artêşa îşxalkere gêrîyaye binê kontrolê hêzanê ma, pê taktîkê suîkastî ameye pirodayene û 1 îşxalker ame cezakerdene. Heman roje warê Girê Hirmoyî de îşxalkerî pê taktîkê suîkastî ameyî pirodayene. Netîceya na çalakîye de 1 îşxalker ame cezakerdene. Çalakîye ra dima artêşa tirke war da bombayan ver.

28ê nîsane de yewinêka nimite ya artêşa îşxalkere warê Girê Şehîd Jêhatî de gêrîyaye binê teqîbê hêzanê ma û dima mesafeyêka nêzdîye ra ameye pirodayene. Netîceya çalakîye de 1 îşxalker ame cezakerdene û 1 îşxalker birîndar bi. Çalakîye ra dima artêşa tirke war da bombayan ver.

Herêma Avaşînî de;

29ê nîsane de Warê Xoverdayîşî yê Werxelê de hêzanê ma da mewzîyê A-4î yê îşxalkeran ro. Çalakîye de 2 îşxalkerî ameyî cezakerdene, 2 îşxalkerî birîndar bîyî, yew çeka A-4î, 1 çeka bombaeştoxe û 1 mewzî ameyî îmhakerdene.

30ê nîsane de Warê Xoverdayîşî yê Werxelê de, mewzîyê îşxalkeran hetê hêzanê ma ra ame pirodayene, naye ser o îşxalkerî neçare mendî ke biremê. Heman roje helîkopterê îşxalkeran ameyî hedefkerdene. Netîceya mudaxeleyê hêzanê ma de helîkopterî warî ra kewtî dûr. Reyna heman roje mewzîyê ma yê Warê Xoverdayîşî yê Werxele pê çekanê kîmyewîyan û obusan dîyayî bombayan ver.

Herêma Zapî de;

30ê nîsane de Hêzanê Pawitişê Hewayî yê Şehîde Delale Warê Xoverdayîşî yê Kuro Jahroyî de çalakîyêke kerde û çalakîye de pêro hedefî bi serkewtişî ameyî pirodayene.

30ê nîsane de Warê Xoverdayîşî yê Kuro Jahroyî de îşxalkerî pê çekanê giranan ameyî pirodayene. Netîceya çalakîye de hûmara kişte û birîndaran nêameye zelalkerdene.

30ê nîsane de Warê Xoverdayîşî yê Şikefta Birîndaran de îşxalkerî pê taktîkê suîkastî ameyî hedefkerdene û çalakîye de 1 îşxalker ame hedefkerdene.

30ê nîsane de îşxalkerê ke waştêne ver bi Girê Şehîd Şahînî şorê pê çekanê giranan ameyî pirodayene. Netîceya mudaxeleyê hêzanê ma de îşxalkerî neçare mendî ke yew qedeme xo apey biancê û war da bombayan ver.

30ê nîsane hêzanê ma mudaxeleyê helîkoptero ke waştêne Warê Xoverdayîşî yê Kuro Jahroyî bido bombayan ver, kerd. Mudaxele ra dima helîkopterî neçare mendî ke warî ra dûrî vinderê.

30ê nîsane de artêşa îşxalkere Warê Xoverdayîşî yê Kuro Jahroyî de û mewzîyanê şerî yê Şehîd Berxwedanî de 7 reyî çeka kîmyewîye şuxilnaye.

Herêma Xakûrkê de;

27ê nîsane de mabênê Girê Kevortê û Girê Masîroyî de wesayîtê bi tîpê Reoyî dima ke gêrîyayî binê kontrolî pê taktîkê sabotajî ame pirodayene. Netîceya çalakîye de wesayît ame îmhakerdene û 3 îşxalkerî ameyî cezakerdene.

29 û 30ê nîsane de Girê Şehîd Şerîf û dormeyê Awa Lolanî, 30ê nîsane de warê Girê Cehennem, Karker, Şikefta Birîndara, Kurojahro, Saca û Sîda yê Zapî, Girê Bihar, Şehîd Kendal û  Girê Amediyê yê Zapî dîyayî bombayan ver.''