Merkezê Îrtîbatî û Çapemenîye yê HPGyî nasnameyê hîrê gerîlayanê ke şehîd bîyî eşkera kerdî.

HPGyî vat: ''Hemrayê ma Andok, Dilşad û Gelhat herêmanê cîya cîyayan ê Vakurê Kurdîstanî ra pê felsefeya Rayber Apo yî tewrê sefanê gerîlayan bîyî. Hîrêheme embazê ma zî keyeyanê welatperweran de ameyî dinya û bi kulturê welatperwerîye bîyî pîl. Embazê ma Andok, Dilşad û Gelhatî semedê pawitişê erd û şarê xo vera dewleta tirke ya qirkere têkoşîno pîl kerd. Embazê ma ke xeylêk hetan ra bîyî pîspor bitaybetî wextê Xoverdayîşê Xoîdarkerdişî de Nisêbîn de aktîf ca girewt, xeylêk çalakîyan rê serkêşîye kerde û qehremanîya destankî de rolê xo biserkewtiş ard ca. Hemrayê ma Andok, Dilşad û Gelhatî 2017 de warê Botanî de xeylêk çalakîyanê ke derbeyê pîlî dîyayî dişmenî ro de ca girewt û tewrê kerwanê şehîdan bîyî. Embazanê ma xoverdayîşê tarîxî de rolê xo yê serkeşîye ard ca û tarîxê Kurdîstanî de cayê xo yo bişeref girewt. Ma embazanê xo yê sînayeyan bi hurmet yad kenê û sere de keyeyanê înan ê ercîyayeyan rê heme şarê welatperwerî yê Kurdîstanî rê serweşîye wazenê.''