Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye.

Eşkerayîye wina ya:

''Herêma Xakurkê

7ê adare de Girê Şehîd Kamuranî de îşxalkerî hetê hêzanê ma yê YJA-Starî ra ameyî hedefkerdene û pirodayene.

Herêma Zapî

9ê adare de warê Şehîd Dîyarî de îşxalkerî bi çekanê nêmotomatîkan ameyî hedefkerdene.

Hêrişê artêşa îşxalkere

8ê adare de mewzîyê Warê Xoverdayîşê Girê Amedîyê bi teqaberanê qedexeyan dîyayî bombayan ver.

7-8-9ê adare de warê Şêlazê, Golka, Serê Metîna yê Metîna; warê Girê Bihar, Girê Amedîyê, Girê Cûdîyî yê Herêma Şehîd Delîlî; Awa Lolanî ya Xakurkê; warê Şehîd Îbrahîmî yê Zapî; warê Kanî Sarkê û Girê yê Garê dîyayî bombayan ver. 

Namerdîya artêşa îşxalkere do ci rê nêmana

8ê adara 2024î de bombardumanê artêşa tirke ya îşxalkere de hemwelatîyê Şêladizê Seîd Mubarek û Aras Ferec şehîd bîyî û lajê Seîd Mubarekî Salih Mubarekî zî birîndar bi. Ma keyeyanê şehîdan rê serweşîye wazenê û Salih Mubarekî rê şîfaya xeyrîne wazenê. Heman herême de 20ê sibata 2024î de pêşmergeyî Arîf Taha û Beşîr Omer Alî bombardumanê artêşa tirke de şehîd bîyî. Dewleta tirke ya îşxalkere ya dişmena kurdan qestî ra şarê herême kena hedef û bi qetilkerdişê sivîlan sûcê şerî kena. Dewleta tirke vana qey bi nê hawayî do bieşka şarê kurdî bitersna. Artêşa tirke ya ke pê gerîlayan nêeşkena, namerdîye kena û sivîlanê bêguneyan kena hedef. Wa şarê ma yo welatperwer bizano ke na namerdîya dewleta tirke do ci rê nêmana!''