HPGyî derheqê hêrişê îşxalî yê vizêrînî de ke herêma Garê de dest pêkerd eşkerayîyêka nuştekîye daye.

Eşkerayîye wina ya:

''Artêşa tirke 10ê sibate de saete 03.00 de herêma Garê de dest pê operasyonêkê hîrayî kerd. Saete 03.00 ra heta saeta 06:00 axpînê dewanê Gundê Guzê, Meyrokê, Siyanê, Çemşerîtkê, Yekmalê û Kanîsarkê yê herêma Garê û Deşta Kafya, Deşta Nehlê bi desan reyî dîyayî bombayan ver.

Dormeyê dewa Çemrobotkî saete 04.30 de di reyî dîya bombayan ver. Helîkopterê kobra zî heman wextî dormeyê dewanê Yekmal û Sîyanî da bombayan ver.

Bobardumanan reyde îşxalkeran xo resa dewa Sîyanî. Tîya de mabênê hêzanê ma û îşxalkeran de şer qewimîya û no şer hema zî dewam keno. Hêzanê ma da helîkopteranê kobra û skorskyî yê îşxalkeran ro. Dima helîkopterê îşxalkeran herême ra şîyî.

Îşxalkerê ke tewrê nê operasyonê îşxalê Garê bîyî Vakurê Kurdîstanî ra ney Başûrê Kurdîstanî ra pê helîkopteranê Skorsky û Kobra dekewtî herême.

Hêrişê hewayî

HPGyî derheqê hêrişanê hewayî de nê zanayîşî dayî:

''30ê çeleyî de warê Aris Farisî yê herêma Avaşînî, waranê Cîlo yê Biçûkî û Karkerî yê herêma Zapî dîyayî bombayan ver.

2ê sibate de dormeyê dewa Şînî ya koyê Mamentî ya herêma Avaşînî dîyaye bombayan ver û bombarduman de zerar resa bax û baxçeyanê dewijan.''

Çalakîya hewayî

HPGyî derheqê çalakîyanê Hêzanê Pawitişî yê Hewayî de nê zanayîşî dayî:

''Hêzanê ma yê Pawitişê Hewayî yê Şehîde Delale çarçewa Hemleya 'Wext Wextê Azadîye yo' de 9ê sibate de vera îşxalkeran Girê Mêrganîşî yê qezaya Çelê yê Colemêrgî de çalakîyêka bomba kerde. Çalakîye bi hawayêkê serkewteyî ameye caardene.''