Merkezê Îrtîbatî û Çapemenîye yê HPGyî (HPG-BÎM) bi eşkerayîyêke da zanayene ewleta tirke û hêzanê sînorî yê Iraqî hêrişê gerîlayan kerdo. Eşkerayîye de derheqê çalakîyanê gerîlayan de agahîyî zî dîyayî. Eşkerayîye wina ya:

‘’Herêma Heftanînî

21ê çeleyî de Warê Xoverdayîşî yê Keşanî de mabênê dewanê Şîlan, Şûdinê, Sorya û Demka de artêşa tirke ya îşxalkere û Hêzanê Sînorî yê Iraqî bi wesayîtanê zirxînan, helîkopteranê hêrişî, droneyanê çekdaran û teyarayanê şerî vera hêzanê ma operasyonêk da destpêkerdene. Hêzanê ma cewab da hêrişî. Netîce de tewr tay 1 leşkero tirk o îşxalker ame cezakerdene û xeylê îşxalkerî zî birîndar bîyî.

24ê çeleyî de Hêzanê Sînorî yê Heresî yê Iraqî erdî ra, dewleta tirke zî hewayî ra vera Warê Xoverdayîşî yê Keşanî ancî operasyonêk da destpêkerdene. Tîya de mabênê ma û nînan de pêkewtişî ewimîyayî. 2 hêzê Heresî kişîyayî û yew zî birîndar bi. Embazanê ma Zîlane û Delale seba ke nêkewê destê dişmenî, xo ser de bombayî teqnayî û bi fedayîtî ê şehîd bîyî. Ma do dima nasnameyanê embazanê xo pare bikerê.

Heftanîn de bi nê hawayî hêrşî ameyî kerdene. Şertanê şerî ra netîceyî cade nêameyî qetîkerdene. Kam ke hêrişê gerîlayanê azadîye yê Kurdîstanî bikero gerîlayî do vera ci heqê xopawitişî bîyarê ca. Ma zanenê ke tayê kesî herême de wazenê ke mabênê ma û hêzanê Iraqî de pêkewtişî biqewimîyê. 

Herêma Şehîd Delîlî ya Rojawanê Zapî

7ê sibate de Warê Xoverdayîşî yê Sergelê de vera helîkopteran di reyî mudaxele ame kerdene.

Hêrişê îşxalî

Mabênê 5 û 9ê sibate de warê Berbizinê, Lolan, Şehîd Şerîf, Kendekola, Goşînê yê Xakurkê; wrê Girê Kun, Deşta Kafya, Yekmalê, Dêreşê, Bergarê, Mijê, Mêranê yê Garê; Warê Xoverdayîşî yê Girê Biharî yê Zapî dîyayî bombayan ver.’’