Dewleta tirke ya îşxalkera ke vera xoverdayîşê gerîlayan derbeyê pîlî werdî bi tewirêkê zaneyeyî hêrişê cayanê sîvîlan kena. HPGyî da zanayene ke şewatê ke netîceya bobmardumanan de vejîyayî dewam kenê.
Merkezê Îrtîbatî û Çapemenîye yê HPGyî derheqê hêrişanê îşxalî yê dewleta tirke de eşkerayîye daye.
Eşkerayîye de nê ameyî vatene:
''Netîceya xoverdayîşê gerîlayan de dewleta tirke ya îşxalkere 1ê hezîrane de neçare mende ke 3 cayanê Avaşînî ra Dola Mara, Dola Kenferansê û Tabura Ereban ra xo apey biance.
Rixmê nêrazîbîyayîşê şarê ma yê Başûrê Kurdîstanî de dewleta tirke ya îşxalkere cayanê ronişitî, dormeyê dewan û bax bexçeyan bi tewirêkê zanayeyî bobmarduman kena. Nêtîceya hêrişan de şewatê ke vejîyayî dewam kenê.
2ê hezîrane de herêma Metîna de Qilê Zendûra, warê Koordîne, dewa Derarê, Serarû û Deşîşe û Qela Kumrîye pê helîkopteranê hêrişî ameyî bombardumankerdene. Eynî wextî de qereqolanê sînorî ra erazîyê dewanê Kêste û Hirorê pê obus û hewanan ameyî bombardumankerdene. Rîyê bobmardumanê artêşa tirke ra şewato ke erazî de vejîya, dewam keno.
2ê hêzîrane de Qilê Zendûra yê herêma Metîna pê teryarayanê şerî ame bombardumankerdene. Warê Çemço yê herêma Zapî zî qereqolanê sînorî ra pê obus û hawanan ame pirodayene. Reyna warê Şamkê yê Zapî zî hetê teyarayanê şerî ra ame bombardumankerdene. 3ê hezîrane de zî warê Ciloyê Qicî yê Zapî û Tabûra Ereban a herêma Avaşînî pê pê teryarayanê şerî ame bombardumankerdene. Nê hêrişan de vînîbyayeyê ma çîn ê.''
