Merkezê Çapemenî û Îrtîbatî yê HPGyî de derheqê hêrişê dewleta Tirkî yê hemverê Başûrê Kurdistanî de eşkerayîyêk daye û  vat ke vizêr çar kesî ke Deralok de awa Zapî de maseyî tepiştêne bi herîşê teyareyanê dewleta Tirkî ameyî qetilkerdene.  Hîra serran ê peyênan de Amedîye de tewr tay 20 kesê sivîlî hêrişanê dewlata Tirkî de ameyî qetilkedene.

HPGyî derheqê hêrişê hewayîyî de nê pare kerdî:

‘‘Vizêr saetanê nîmrojî de teyareyanê şerî herêma Garê de dewa Yekmalê û mintiqaya Reşava ya pabesteya Deralokî û saetanê şanî de zî herêma Qesrokê ya pabesteya Heftanînî hedef girewtî. Netîceyê hêrişan de vîndîbîyayeyê hêzanê ma yê gerîla çîn ê. Hêrişê mintiqaya Reşava de 4 kesê sivîlî bi nameyê Azad Şahîn, Azad Mecîd Seyfo, Rêdar Mihemed Tahîr û Wahîd Ebdûlqadir yê ke maseyî tepiştêne şehîd kewtî. Sivîlê ke hêrîşê 4 teyeyaran de bi zanayîşî ameyî qetilkerdene, înan ra 2 meyîtê ameyî girwtenê la 2 meyîtê bînî heme nêameyî girewtene.

AMEDÎYE DE 3 SERAN PEYÊNAN DE 20 SIVÎLÎ AMEYÎ QETILKERDENE

Artêşa Tirkî ya îşxalkare demo peyên de hemverê Başûrê Kurdistanî de hêrişê xo zêdînayî. Tena cayanê gerîlayî nê cayanê sivîlan zî hedef gênî. Naye rê ninûme yo peyên qewimîyayîşê Deralok û Erêdna yê. Reyna demo nêzdî de herêma Çemankê de Camî û keyeyê dewa Bêbadê  ameyîbî hedef girewtene. Reyna herêma Çemço dormeyê Awa Markî de hemwelatijê ke pîknîk kerdêne bombayî serê înan de ameyîbî varnayene.

Eşkerayo ke no dişmenîyê PKKyî ra wet o. Dewlata Tirkî bi na polîtîkaya wazena ke çimê  şarê Başûrê Kurdistanî bitersno. Nê hêrişî bi zanayîşî yenî kerdene. Hîrê serran ê peyênan de Amedîye de tewr tay 20 kesê sivîlî hêrişanê dewlata Tirkî de ameyî qetilkedene. Sey Hêzê Pawitişê Şarî persayîşê hesabê nînan wezîfeyê ma yo tewr esasî yo. Na çarçiwe de ma merdimanê şehîdan û şarê Başûrê Kurdistanî rê serweşîye wazenê û vanê ke ma do bi berzkerdişê mucadeleyî vîrê şehîdanî bidê ciwîyayene.‘‘