Merkezê Çapemenî û Îrtîbatî yê HPGyî derheqê di gerîlayanê ke 17 Teşrîna peyêne de Semsûr de şehîd kewtî de eşkerayîyêka nuştekîye daye.

Eşkerayî de ca dîya nînan:

‘‘Artêşa tirkî ya îşxalkare 17ê Teşrîna peyêne de bajarokê Komurî yê Semsûrî de bi seyan leşkeran operasyonêk da destpêkerdene. Mabênê hêzanê ma û leşkeran de pêkewtişî ameyî ciwîyayene la hûmara merde û birîndaranê îşxalkaran nêameye tesbîtkerdene. Nê pêkewtişan de embazê ma Ezîz û Şoreş bi şerkerdişêkê qehremankîyî şehîd kewtî.‘‘

Gerîlayê ke şehîd kewtî nasnameyê înan wina yo:

HPGyî derheqê gerîlayanê ke şehîd kewtî de nê pare kerdî:

EZÎZ ÇIRAV

‘‘Hemra Ezîz Çirav wextêk ke sey nikayî Rayberîya ma ser o tecrîdo giran estbi tewrê sefanê gerîlayî yê ke tarîxê azadîya şarê ma nusenî, bi. Sere de Botan û Tolhildan xeylî cayanê şerî de wazîfeyê xo bi serkewtişî ardî ca. Hemra Ezîz ke hetê embazanê xo ra zaf amêyene heskerdene hemverê dişmeno ke wazeno şarê kurdî qir bikero de zaf bihêrs bi û hêrsê xo bi zanayîşê şorişgêrî mîraz kerdbi û açarnabi mucadeleyêkê xurtî. Hemra Ezîz şertî senî benî wa bibîyêne semedê şerkerdişê hemverê dişmenî her wext vernîya sefan de ca girewtêne.

ŞOREŞ ROZA

Hemra Şoreş Roza zî wexto ke Şerê Şarî yê Şorişgêrî dest pêkerd verê xo da sefanê azadîye yê Kurdîstanî û roja verêne ra heta şehadetê xo bi qerarîye heme  wezîfeyê xo bi serkewtişî ardî ca. Hemra Şoreş bi kesîya xo ya durust û fedakare mîyanê heme embazanê xo de ameyêne heskerdene. Hemra Şoreş ke bi cesaret û vindertişê xo yê organîzekîyî bale antêne xo ser semedê dişmenî ra persayîşê hesabî verê xo dabi eyaletê Tolhildanî.

Hemrayê ma Ezîz û Şoreş ke xeta Edîp, Ezîz, Sîdar û Rozayan de bi fedakarîya girde kewtî mîyanê mucadeleyê hesabpersayîşî, fedakarîya înan qet do meyero vîrakerdene û ê do tim mucadeleyê ma de bêrî ciwîyayene.‘‘

HPGyî vernî de merdimê Tunç û Ozdemîrî heme şarê Semsûr û Kurdîstanî rê serweşîye waşte û sozê caardişê waştişê şehîdan newe kerd.