Merkezê Îrtîbat û Çapemenîye yê HPG'yî bi eşkerayîyêk da zanayene ke 17'ê Teşrîna Verêne de gerîlayan qezaya Ebexî yê Wanî de dayo îşxalkaran ro, wesayîtêk bi temamî  ame îmhakerdene û 8 leşkerî ameyî kiştene.

Eşkerayîya HPG'yî wina ya:

"Hêzanê ma çarçeweya Hemleya Serkewtişî ya Şorişgêre ya Eyaletê Serhedî ya ke yena domnayene de 17'ê Teşrîna Verêne verba wesayîtêkê bi tîpê cemse yê artêşa Tirkî ya îşxalkare yo ke mabênê qereqolê Sarixsû û Kevirê Şamî de dewrîye gêrayêne çalakîyêk viraşte. Na çalakîye ya ke nêzdî ra leşkerî û wesayît ameyî pirodayene, wesayît bi temamî ame îmhakerdene û 8 leşkerî zî ameyî kiştene, 2 leşkerî zî birîndar bîyî. Artêşa Tirkî seba ke kişte û birîndaranê xo wareyî ra bigêra, dimayê çalakîye bi helîkopteran ware da verê bombayan. Yewîya ma ya ke çalakîye viraşte bi sax û selametîye agêrayê cayê xo."