HPG: Embaza ma Ardeme Ararat şehîd bîye
HPGyî nasnameyê şehîdêka Garzanî eşkera kerd û vat: ''Embaze Ardeme xeta fedayîtîye de şer kerd, bîye nimûneya milîtanîya Apogîran û bi tewir û têkoşînê xo nasnameyê cinîya azade bi layîqî temsîl kerd.''
Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêka Garzanî eşkera kerd. Eşkerayîye wina ya:
''Fermandara ma ya ercîyaye û milîtanê xeta azadîya cinîyan embaza ma Ardeme Ararat 1ê tebaxa 2023yî de bombardumanê giranî yê artêşa tirke ya îşxalkere de şehîd bîye. Embaze Ardeme xeta fedayîtîye de şer kerd, bîye nimûneya milîtanîya Apogîran û bi tewir û têkoşînê xo nasnameyê cinîya azade bi layîqî temsîl kerd. Embaze Ardeme reyna îsbat kerd ke yew cinîya ke bi milîtanîya PAJKî û şerwanîya YJA-Starî têgêrena hetê serdestîya camêrdan ra nêna teslîmgirewtene.
Ma sere de keyeyê aye yê ercîyayeyî rê pêro şarê ma yê welatperwerî rê serweşîye wazenê. Ma soz danê ke vîrameyîşê embaze Ardeme do mîyanê têkoşînê ma de bipawê.
Nasnameyê embaza ma Ardeme Ararat wina yo:
|
|
Nameyê Qodî: Ardem Ararat Name û Peyname: Sultane Oruç Cayê Bîyayîşî: Amed Maye-Pî: Hayrîye – Îsmaîl Tarîx û Cayê Şehadetî: 1ê Tebaxa 2023yî /Garzan |
Embaze Ardene qezaya Bismilî ya Amedî de dadîya xo ra bena. A hêverî xebetanê ciwanan de cagêna û 2014 de tewrê gerîlayan bena. A Heftanîn de dest pê gerîlatîye kena û xeta YJA-Starî de bena gerîlayêka serkewte. A Dibistana Operasyonî ya Mehmet Goyîyî de perwerde vînena. Embaze Ardene Mexmûr û Kerkûk de vera DAÎŞî şer kena.
2016 de a sey fermandarêke agêrena Amedî û derbazê Garzanî bena. Embaze Ardene Garzan de 7 serran bêmabên têkoşîn kena û cinîya kurde ya azade temsîl kena. Embaze Ardene Garzan de xoverdayîş û têkoşînêkê zixmî kena û bena şehîd.''
