Merkezê Îrtîbatî û Çapemenîye yê HPGyî derheqê şehadetê gerîlayêkî de eşkerayîyêke daye.

HPGyî vat: ''Ma eşkerayîya xo ya 22ê tebaxe de dabi zanayene ke 17ê tebaxe de artêşa tirke warê Kato Marinosî yê Bêşebabê Şirnexî de operasyon da destpêkerdene. Eynî roje pêkewtişê giranî qewimîyayî. Nê pêkewtişan de embazê ma Demhat tewrê kerwanê şehîdan bi. Zanayîşê nasnameyê embazê ma wina yê:

Nameyê Qodî: Demhat Samet Name û Peyname: Muhammed Sagniç Cayê Bîyayîşî: Wan Maye-Pî: Îsmînas – Îdrîs Tarîx û Cayê Şehadetî: 17ê Tebaxa 2020î / Botan

Embazê Demhat keyeyêko welatperwer û kedkaro ke pabesteyê erjanê xo yo de ame dinya.  Vera polîtîkaya qirkerdişî yê dişmenî yê vera kurdan serra 2016î de vera xo da sefanê gerîlayan.  Demê kilmêkî de prosesê heme perwerdeyan de xo de bedilnayîşê neweyî afernayî û çarçewa tewir û taktîkê gerîlayanê neweyan de xo aver berd. Her tim xîret kerd ke  têkoşînî de rolêkê aktîfî bigero û vernîya cepheyê şerî de ca bido xo. Hemra Demhatî de warê Kato Marînosî de vera artêşa îşxalkere bi rojan bi hawayêkê qehremankî şer kerd û tewrê kerwnê bêmergan bi. Embazê ma Demhat bi têkoşîn û tewirê xo yê fedaîyî bi meşaleyêk ke rayîrê ma yo ke ver bi serkewtişî şino, roşn keno.

Sere de keyeyo erjîyaye yê embazê ma, wa sereyê heme şarê ma yê welatperwerî weş bo. Ma reyna soz danê ke ma do têkoşînê şehîdan bi serkewtişî tacîdar bikerê.''