Merkezê Îrtîbatî û Çapemenîye yê HPGyî derheqê serebûtê vizêrînî de eşkerayîyêke daye. HPGyî vat:

''5ê hezîrane de serê sibayî rew hêzê leşkerî yê PDKyî bêxebere û pê terzê operasyonelî ameyî waranê gerîlayan ê Metîba. No tewirêko xelet o û menfaatanê neteweyîyan rê xizmet nêkeno. Raşt o ke hêzanê ma uca de  semedê hîşyarkerdişî guleyî eştî. La eşkera yo ke o wesayîto ke îmha bîyo hetê hêzanê ma ra nêame pirodayene. Bi îxtîmalê pîlî no wesayît hewayî ra, pê fuze ameyo pirodayene. Teqayîşê nê wesayîtî ganî bêro cigêrayene. Ma sey HPG wina vînenê ke ganî heyetêko xoser yan zî heyetêko hempar nê serebûtî cibigêro û zelal bikero.''