Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê dewleta tirke de eşkerayîye daye û nê pare kerdî:

''20ê gulane de Qilê Azadî yê herêma Metîna de vera îşxalkeran çalakîyêke ameye kerdene. Çalakîya serkewtîye de îşxalkerî biîsabet ameyî pirodayene.

20ê gulane de bi hewayêkê hemwaxtî vera Merkezê Kontrolî yê ÎHA yê Êlihî û Fermandarîya Tûgayî ya Şirnexî û pîste helîkopterano ke tede yo, hewayî ra 3 çalakîyî  ameyî kerdene. Çalakîyanê serkewteyan de hedefê ke ameyî bewlîkerdene biîsabet ameyî pirodayene.

Eynî roje îşxalkerê ke qereqolê Kuroşînoyî yo ke sînor de yo, ra ver bi Qirrika Orê ya herêma Metîna kewtî rayîr hetê hêzanê ma ra gerîyayî binê kontrolî û dima ra di reyî têdima bi taktîkê sabotajî ameyî pirodayene. Çalakîye de 5 îşxlakerî ameyî cezakerdene.

Teyarayanê şerî yê artêşa tirke vera Herêmanê Pawitişî yê Medya hêriş kerd. 19ê gulane de warê Werxelê yê herêma Zapî pê teyarayanê şerî ame bombardumankerdene. 20ê gulane de warê Mervanos, Mamreşoyî, Şukê û Dola Konferansê yê herêma Avaşînî  û Qilê Şehîd Serxwebûnî yê herêma Zapî de pê helîkopteranê Skorkskyan leşkerî ameyî cakerdene. Eynî wextî de warê Cilo Qicî û Hera Tyî ya Zapî pê helîkopteran ame bombardumankerdene. Netîceya bombardumanî de erazî de şewat vejîya. Nê hêrişan de vîanîbîyayeyê ma çîn ê.''