Merkezê Îrtîbat û Çapemenîye yê HPG'yî eşkera kerd ke gerîlayan çarçeweya Hemleyan ê Şorişgêran de çalakîyanê xo rê dewam kerd.

Eşkerayîya HPG'yî wina ya:"Çalakîyê hêzanê ma  yê verba operasyonê îşxalkarî yê artêşa Tirkî çarçeweya Hemleya Şorişgêre ya Cengê Heftanînî ya ke  Wareyê Pawitişî yê Medya de ameyebî destpêkerdene dewam kenê. Na çarçewe de; 27'ê Êlule de hêzanê ma verba yewînanê oporasyonî yê nêzdîya Girê Şehîd Şêxmûsî  yê wareyê Şehîd Kendalî de çalakîyêk viraşte. Na çalakîya ke mewzî û stargehê  dişmenî hîrê perran ra ameyî pirodayene de 2 leşkerî ameyî kiştene. Hêzanê ma teyarayêka keşfî ya bi tîpê Drone zî kerd hedef. Drone ame îmha kerdene. Artêşa TC'yî dimayê çalakîye pê çekanê giranan dormeyê xo da ver guleyan. Yewîna ma bi saxlem agêraye cayê xo.12'ê Êlule hezanê ma çarçeweya Hemleya Qesasî ya Şehîde Mawa û Şehîd Rizger Geverî de verba tirêkê hacetan ke seba yewîna operasyonî yê seba herêma kewena mabênê mintiqaya Kato Jîrka û qezaya Elkê ya Şirnexî bi çalakîya sabotajî ameye viraştene. Na çalakîye de tir bi temamî taxrîb bi, îşxalkaran herême de dest pê operasyonî kerd. Yewîya ma ya ke çalakîye viraşte. bi saxlem agêraye merkezê xo. 27ê Êlule teyarayanê şerî yê artêşa TC'yî Wareyê Karox ê pabesteyê herêma Qendîlî a Wareyê Pawitişî yê Medya ser o bombayî varnayî. Bombardûman de zerarêk nêresayo hêzanê ma.‘‘