HPG: Gerîlayê Azadîye yê Kurdîstanî Avaşîn de xoverdayîşê tarîxî kenê

HPGyî da pêhesnayene ke artêşa tirke ya îşxalkere 7ê hezîrane de vera Avaşînî hemleyêka newîye ya hêrişî daye destpêkerdene û vat: Cewabo ke Gerîlayê Azadîye yê Kurdîstanî vera na hemle danê tarîxî yo.

Merkezê Îrtîbatî û Çapemenîye yê HPGyî derheqê hêrişê vera herêma Avaşînî û xoverdayîşê gerîlayan de eşkerayîye daye.

Eşkerayîya HPGyî de nê ameyî parekerdene:

''Dewleta tirke ya îşxalkere 23-24ê gulane de vera  waranê Tabûra Ereban, Dola Konferansî û Dola Maranî ya herêma Avaşînî hemleya newîye ya hêrişî daye destpêkerdene la rîyê xoverdayîşê xurtî û çalakîyanê hêzanê ma ra 1ê hezîrane de mecbur mendî ke peyser agêrê. Îşxalkeranê ke vera xoverdayîşê hêzanê netîce nêgirewte manîdar o ke bado ke hêzê PDKyî Metîna de kewtî waranê gerîlayan 7ê hezîrane de vera Avaşînî hemleyêka newîye ya hêrişî daye destpêkerdene .

Dewleta tirke ya qirkera ke bi taktîkêkê  neweyî vera herêma Avaşînî hêrişê îşxalî da destpêkerdene  raştê xoverdayîşê hêzanê ma ameyî û 7-8ê hezîrane de pêkewtişê giranî qewimîyayî. Nê pêkewtişan de derbeyê pîlî dîyayîş dişmenî  ro. Herême de pêkewtişê giranî û xoverdayîşê embazanê ma dewam keno. Hêrişê îşxalî yê vera Avaşînî kewt yewna merhale. Cewabo ke Gerîlayê Azadîye yê Kurdîstanî vera na hemle danê tarîxî yo.''