Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçewa Hemleya Şorişgêre ya Şehîd Bagerî û Şehîde Ronya de hêzanê ma 25ê tebaxe de Geverê Colemêrgî de da artêşa tirke ro. Çalakîya mabênê warê Şehîd Karkerî û Şehîd Gafûrî de ameye kerdene de wesayîtêkê artêşa tirke bi taktîge sabotajî ame pirodayene. Çalakîya bitesîre de wesayît bi temamî ame îmhakerdene la hûmara leşkeranê ke ameyî cezakerdene zelal nêbîye.

Na çalakî semedê yadkerdişê hemrayê ma Fermandar Egîd Garzano ke hêrişê dewleta tirke de şehîd bi û di fermandarê artêşa Iraqî ke pîya bi ey şehîd kewtî, ameye kerdene.

Teyarayanê şerî yê arêtşa tirke vera Herêmanê Pawitişî yê Medya hêrişê hewayî kerd. Na çarçewe de 28ê tebaxe de warê Gundê Filleha yê herêma Zapî û 27ê tebaxe de zî warê Qebra Zahîrî yê Xakurkê ameyî bobmardumankerdene. Nê hêrişan de vînîbyayeyê ma çîn ê.''