Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişê artêşa tirke de zanayîş da.

Eşkerayîye de ca dîya nînan:

Heftnîn de 14 leşkerî ameyî cezakerdene

''Çarçeweya Hemlaya Şorişgêre ya Cengê Heftanînî de hêzanêma da îşxalkeran ro. Na çarçewe de; 7ê temmuze de hêzanê ma yê YJA Starî  vera leşekranê ke Qilê Qesrokê de ameybî cakerdene,  çalakîyêke kerde, tewr tay 12 leşkerê dişmenî ameyî cezakerdene. 8ê temmuze (ewro) hêzanê ma yê YJA Starî warê Şeşdara de çalakîya suîqestî kerde. Na çalakî de 2 leşkerî ameyî cezakerdene.

Xantûrî de 2 gerîlayî şehîd bîyî

3ê temmuze de hêrişê hewayî yê vera warê Xantûrî de embazê ma Goran Goyî û Vîyane Devrîm tewrê kerwanê şehîdan bîyî. Nasnameyê embazanê do nizdî ra rayapêroyî dir bêrê parekerdene.

Kato Jîrka de operasyon

1ê temmuze de artêşa tirke mintiqaya Kanî Reşê ya warê Derîyê Qaçê yê herêma Kato Jîrka ya Şirnexî de operasyonêk da destpêkerdene. Hêzanê ma îşxalkerî girwtî binê kontrolî û dima ra da piro la hûmara merde û birîndaran nêameye tesbîtkerdene.

Cûdî de 2 kontrayî ameyî cezakerdene

5ê temmuze de kotrayê bi nameyê Sebahattîn Gungor û Hejar Batmaz ê ke  herêma Cûdîyî de bibê nameyê seydwanîye de cayê hêzanê ma tesbît kerdêne û gerreyê înan kerdêne ameyî cezakerdene. Nê kontrayan ser o 2 çekî, 2 telsîzî, yew dûrvînê roje û ameyî destsernayene.

7ê temmuze de teyarayanê şerî yê tirkî warê Karker û Sîda yê Zapî bombaduman kerdî. Nê hêrişan de vînîbîyayê ma çîn ê.''