Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî de ca dîya nînan:

''Xoverdayîşê biheybet ê Heftanînî bi ruhê Xoverdayîşê 14ê Temmuze dewam keno. Gerîlayî derbanê pîlan danê îşxalekeran ro. Çalakîyê ke çarçeweya Hemleya Şorişgêre ya Cengê Heftanîn de ameyî kerdenê detayê ci wîna yê:

Xantûr de îşxalkerî ameyî pirodayene

12ê temmuze de  saetanê serê sibayî de mabênê hêzanê ma û  îşxalkeran de pêkewtişî qewimîyayî ke ma detayê înan vizêr eşkera kerdbî. Hêzanê ma heman warî de nizdê Qilê Şehîde Rojîne Gewda de da îşxlakeran ro, 5 leşkerî ameyî cezakerdene û 1 zî birîndar bi. Badê çalakîye herême bi obus û hawanan ameye bombardumankerdene. Embazê ma Rustemo ke bi hawayêke qehremankî vera dişmenî şer kerd, tîya tewrê kerwanê şehîdan bi.

11 leşkerî ameyî cazekerdene

Hêzanê ma 12ê temmuze de warê Qilê Dupişkî de vera îşxalkeran  xeylêk çalakîyê suîqestî kerdî. Nê çalakîyan de 5 leşkerî ameyî cezakerdene. Eynî roje Yewîyanê Hewayî yê Şehîde Delale vera leşkeranê ke Qilê Kartalî de ameybî cakerdene çalakîyêke kerde. Di nuqtayê dişmenî biîsabet ameyî pirodayene la hûmara merdeyanê dişmenî nêameye tesbîtkerdene.  Reyna eynî roje qilanê Şehîde Ciwana û Şehîd Sefirazî de zî îşxlakerî ameyî pirodayene, 2 leşkerî ameyî cezakerdene. Reyna Qilê Koordîne de zî eynî roye dişmen ame pirodayene, leşkerêk ame ceazakerdene. 13ê temmuze de zî mabênê Qilê Şehîde Bêrîvane û Tepê Tunelê de tay çalakîyê suîqestî ameyî kerdene. Nê çalakîyan de 3 leşerî ameyî cezakerdene.

Warê Bektorya de 4 gerîlayî şehîd bîyî

Ma eşkerayîya xo ya 13ê temmuze dabi eşnawitene ke warê Bektorya de dişmenî darbê giranî werdî. Pêkewtiş û bombardumananê nê warî de embazê ma Ozan, Zeynebe, Gever û Şoreş ê ke destanê qehremanî nuştî  tewrê kerwanê şehîdan bîyî.

Bagok de çalakî

Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 12ê temmuze de herêma Bagokî ya Mêrdînî de vera Qeroqolê Sivaxî çalakîyêke kerde. Çalakîya ke vera leşkeranê ke qereqol pawitêne ameye kerdene netîceya ci zelal nêbiye.

Elbak de leşkerêk ame kiştene

Hêzanê ma 5ê temmuze de qezaya Elbakî ya Wanî de vera îşxalkeran çalakîyêke kerde. Çalakîya ke vera leşkeranê ke dormeyê Qereqolê Mendine de bî ameye kerdene de leşkerêk ame cezakerdene. Dimayê çalakîye herême de operasyon ame destpêkerdene. Operasyono ke dewanê Liseke, Xoçta û Bezeke de ame kerdene de lekeran eşt keyeyan ser û dewan de cigerayîş kerd. Herême de têgêrayîşê dişmenî esto.

Hêrişê hewayî

Teyarayanê şerî yê dewleta tirke 13ê temmuze de vera Herêmanê Pawitişê Medya hêrişê hewayî kerd; warê dewanê Golka û Beşîrî yê Metîna, warê Sida yê Zapî û warê Mervanosî yê Avaşînî  ameyî pirodayene. Nê hêrişan de vînîbîyayeyê ma çîn ê, herême de şewat vejîya.''