Merkezê Îrtîbatî û Çapemenîye yê HPGyî bi eşkerayîya nuştekîye da pêhesnayene ke gerîlaya bi nameyê Delale Zanyar 23ê adara 2024î de şehîde bîye û nê vatî:

''Hemraya ma Delala ke rêçê Delale Amedan de Qendîl de koyanê azadan de ameye têhet heme herêman de wezîfeyê xo bi serkewtişî ard ca û hêz moral da hermrayanê xo. Hemraya ma xeylêk waranê Herêmanê Pawitişî yê Medya de sey pîspora leşkerî û mîlîtanêka hêzdare xebate rayra berde.

Ma sey hemrayanê ci soz danê ke ma do şexsê hemraya xo Delale de têkoşînî xurtêr bikerê û waştişê şehîdanê xo bîyarê ca. Sere de keyeyo erjîyaye yê hemraya ma Delale ma pêro şarê welatperwerî yê Kurdîstanî rê serweşîye wazenê.

Nasnameyê hermya Delale Zanyar wina yo:

Nameyê Qodî: Delale  Zanyar

Name û Peyname: Çimene Yildiz

Cayê Bîyayîşî: Amed

Maye-Pî: Zinete- Şakir

Tarîx û Cayê Şehadetî: 23ê Adara 2024î / Herêmê Pawitişî yê Medya

Hemraya ma ya Delale Amed de yena dinya û bi kulturê welatperwerîye bena pîl. Wextê mektebî de PKKyî dahîna nêzdî ra nas kena û tewrê xebatanê ciwanan ê şorişgêran bena. Universîte de dahîna bena aktîf. Hemraya ma Delale badê Xoverdayîşê Xoîdarekerdişî de seba ke cewab bido zulmî ke ame ciwiyayene, rixmo ke zewijnaye û wayîrê donêkî ya verê xo dana koyanê Kurdîstanî û tewrê refanê gerîlayan bena.

Perwerdeyê xo yê verênî Qendîl de vînena. Badê perwerdeyanê leşkerî û îdeolojîkan bena gerîlayêke serkewtîye ya YJA Starî. Hemraya ma Delale Akademîya Şehîd Mahîrî de tewrê perwerdeyî bena û dima ra ravîyarena Heftanînî ûca ra şina  Garê û her ca de wezîfeyê xo bi serkewtîşî ana ca. Hemraya ma Delale 23ê adara 2024î de Garê de gama ke wezîfeyê xo ser bî şehîde bîye.

Ma sey embazanê ci soz danê ke ma do şexsê lajê ci Zanyarî de ke semedê welat û azadîye nêeşkayî ci rê dadîyîye bikero, heme domananê kurdan rê ameyoxê azadî biafirnê.''