Merkezê Îrtîbatî û Çapemenîye yê HPGyî derheqê di gerîlanê ke Serhad de şehîd bîyî eşkerayîye daye û nê vatî:

''21ê temmuze de warê Patnosê Agirî û warê Arzepî yê Glidaxî de mabênê hêzanê ma û artêşa tirke de pêkewtişê giranî qewimîyayî. Pêkewtişan de fermadarê hemleyanê şorişgêran ê Serhadî  hemra Rohat Amed û Şoreş Andok heta guleyê xo yê peyênî şer kerd û tewrê kerwanê şehîdan bîyî.

Nasnameyê embazanê ma yê şehîdan wina yê:

Nameyê Qodî: Rohat Amed Name û Peyname: Ramazan Akalin Cayê Bîyayîşî: Amed Maye-Pî:  Şerîfe - Mehmet Tarîx û Cayê Şehadetî: 21ê Temmuza 2021î / Serhad

Nameyê Qodî: Şoreş Andok Name û Peyname: Kasim Kaya Cayê Bîyayîşî: Colemêrg Maye-Pî: Behîce - Sadî Tarîx û Cayê Şehadetî: 21ê Temmuza 2021î / Serhad

Hemrayê ma Rohat keyeyêko welatperwer ê Amedî de ameyo dinya û bi kultur û tradîsyonê kurdan bîyo pîl. Seba ke keyeyê ci welatperwer o Têgêrayîşê Azadîye yê Kurdîstanî nêzdî ra nas keno û xebatanê ciwanîye de guruyeno. Dima ke dişmenî nêzdî ra nas keno, vano cuya azade û birumete têna PKKyî bena û 2005 de tewrê sefanê gerîlayan beno. Demo kilm de gerîlatîye musano ke tim xeyalê kerdêne. Ça de hewce bibê uca xebate kerde. Xeylêk wext Herêmanê Pawitişî yê Medya de mend û xeylêk herêmanê Kurdîstanî de xebatê şorişî rayra berd. Hemrayê ma Rohato ke bi tecrubeyanê xo bi fermandarêko serkewte, perwerdeyê bi seyan hemrayanê xo de ca girewt û înan dir eleqedar bi. Seba ke tewrê rayraşîyayîşê serkewtişî bibo verê xo da Vakurê Kurdîstanî. Hemrayê Rohatî bi taybetî Serhad de xeyêk çalakîyî koordîne kerdî û tede ca girewt ke derbê pîlî dîyayî dişmenî ro. Tewr peynî de Patnos de  vera dişmenî heta nefesê xo yê peyênî xeta qehremanîye de şer kerd û sey mîlîtanêkê Apoyî tewrê kerwanê şehîdan bi.

Hemrayê ma Şoreş keyeyêko welatperwer ê Colemêrgî de ameyo dinya. Seba ke warê serhildanî de bîyo pîl, Têkoşînê Azadîye yê Kurdîstanî  ey ser zaf tesîr kerd. Sere de xebatê ciwanîye xeylêk waran de falîyetî rayra berdî û 2013 de verê xo dayo koyanê azadan û xeyalê domanîye xo ardo ca. Hemrayê ma Şoreşî bi eşg û coşî xo resna û aver berd ke vera dişmenî çalakîyanê xurtan bikero. Bi serran herêma Xakurkê mend û tîya derbeyê pîlî dayî dişmenî ro. Çalakîyan de tewirê fedayîtîye vet vernî û sey mîlîtanêkê Apoyî embazanê xo rê bi nimûne. Hemrayê ma Şoreşî zî sey hemrayanê xo yê bînan tim waştêne şiro Vakurê Kurdîstanî . 2019 de verê xo da Eyaletê Serhadî û tîya xeylêk çalakîyanê bitesîran de ca girewt. Tewr peynî de warê Glîdaxî de pê hewayêkê qehremankî şerd kerd û tewrê kerwanê şehîdan bi.

Fermandaranê ma Rohat û Şoreşî  ke sey cuya xo şer de zî  bi tewirê xo yê fedayî rayîrê serkewtiş û şorişî ramojna ma hemrayanê xo, bi şehadetê xo zî talîmat da ma ke ma xeyalê Rayberîya Azade, Kurdsîtano Azad bîyarê ca. Ma sere de keyeyanê erjayeyan ê şehîdanê xo heme şarê welatperwerî yê  Kurdîstanî rê serweşîye wazenê.''