Merkezê Îrtîbatî û Çapemenîye yê HPGyî derheqê çalakîyanê gerîlayan, hêriş û propagandaya dewleta tirke de eşkerayîye daye.

HPGyî vat: ''Artêşa tirke ya îşxalkere û medayaya ci ya şerê taybetî tim bi xeberanê xo yê zûran vanê ke bombardumanê vera Herêmanê Pawitişî yê Medya de şehîdê ma est ê. Artêşa tirke ya ke Herêmanê Pawitişî yê Medya de ginaya piro û tede menda û tim gerîlayan ra derbanê girdan wena hemkarîye û îxanet zî derdê ci rê derman nêbîyo. Coka bi zûranê şerê taybetî xeberanê ke serê masa de yenê hazirkerdene îdîa kena ke gerîlayî şehîd bîyî. Wa şarê ma yo welatperwer û rayrapêroyîye bizano ke netîceya nê bombardumanî de qet embazêkê/a ma şehîd nêbîyo/a. Nê xeberî pêro zûr ê. Gerîlayê Azadîye yê Kurdîstanî bi tecrubeyanê xo hêrişê înan betal kenê.''

Derheqê çalakîyanê gerîlayan û hêrişê artêşa tirke de zî nê ameyî vatene:

''Zap;

26ê  temmuze de Warê Xoverdayîşî yê Girê Amedîyê de îşxalkerî di reyî bi çekanê giranan û otomatîkan ameyî pirodayene. Çalakîyêk de ya ke hêzanê ma yê YJA Starî kerde mewzîyêke ameye îmhakerdene. 27ê temmuze de zî Warê Xoverdayîşî yê Girê Baharî de helîkopterê ke waşt leşkeran rono ci rê mudaxale ame kerdene.

Çekê qedexeyî;

26ê temmuze Warê Xoverdayîşî yê Girê Cûdî û Girê Amedîyê de tunelê ma yê şerî bi teqaberanê qedexeyan dîyayî bombayan ver.

Bombarduman;

26 û 27ê temmuze de warê Askolkê, Girê Roj, Girê Şehîd Cihan, Boblîskanî yê herêma Qendîlî, warê Kanî Sarkê, Deşta Kafya, Gûzê, Sêdarê, Dêreşê, Mêranê, Meyrokê, Dêrîkî yê Garê 22 reyî bi teyarayanê şerî dîyayî bombayan ver.''