Merkezê Îrtîbatî û Çapemenîye yê HPGyî derheqê şehîdanê Avaşînî de eşkerayîyêka nuştekîye daye.

Eşkerayîye wina ya:

''11ê temmuza 2019î de artêşa tirke ya îşxalkere herêma Avaşînî bi hawayêkê giranî daye bombayan ver. Nê hêrişê hewayî de embazê ma Agir, Hozan, Mahîr û Senar şehîd bîyî. Nasnameyê embazanê ma yê şehîdan wina yê:

Nameyê Qodî: Agir Gabar Name û Peyname: Huseyîn Çenga Cayê Bîyayîşî: Serdeşt Maye-Pî: Rahmane-Devlet Tarîx û Cayê Şehadetî: 11ê Temmuza 2019î / Avaşîn

Nameyê Qodî. Mahîr Şervan Name û Peyname: Mazlûm Abî Cayê Bîyayîşî: Wan Maye-Pî: Navrez-Kasim Tarîx û Cayê Şehadetî: 11ê Temmuza 2019î / Avaşîn

Nameyê Qodî: Senar Derîk Name û Peyname. Çetîn Temel Cayê Bîyayîşî: Dêrik Maye-Pî: Mekiya-Abdûrrahman Tarîx û Cayê Şehadetî: 11ê Temmuza 2019î / Avaşîn

Nameyê Qodî: Hozan Serkeft Name û Peyname: Adil Resûlî Cayê Bîyayîşî: Dîwandere Maye-Pî: Xawer Hamîdî - Alî Tarîx û Cayê Şehadetî: 11ê Temmuza 2019î / Avaşîn

Embazê ma Agirî herêma Avaşînî de fermandarîya çalakîyan ê serkewteyan kerde û derbê pîlî dayî xeyalanê kolonyalîstan ro. Embaz Agir herêma Serdeştî ya Rojawanê Kurdîstanî de dadîya xo ra bîyo û pê perwerîyêka xorine tewrê gerîlayan bi. Embaz Agirî wextêkê kilmî de felsefeya cuye ya gerîlatîye xo rê kerde krîter. Embaz Agir peynîya perwerdeyî de bi fermandar. Ey pê hunerê xo yê şerî bi rayberê têkoşînê pratîkî. Embaz Agirî qet tewirê xo yê zerrînizmî ra fek vera nêda.

Embazê ma Hozan zî herêma Dîwandere ya Rojhelatê Kurdîstanî de dadîya xo ra bîyo û wextê hêrişanê DAÎŞî de tewrê gerîlayan bi. Embazê ma Hozanî seba ke bibo wayîrê cuyêka manadare zaf xîret kerd, zaf eleqe da hunerê leşkerîye û tim xo perwerde kerd. Embaz Hozanî çalakîyanê Avaşînî de wezîfeyê pîlî kerdî û pêro mesuldarîyê xo bê kêmasî ardî ca.

Embazê ma Mahîr Wan de dadîya xo ra bîyo û pê xeyelanê domanîya xo tewrê gerîlayan bi. Embaz Mahîrî sey gerîlayêkê profesyonelî pêro wezîfe û mesuldarîyê co ardî ca û têkoşînêko aktîf kerd. Embaz Mahîrî derbê giranî dayî dişmenî ro û qesasê şarê kurdî dewleta tirke ra girewt. Embaz Mahîr bi mîsalanê verênan ê milîtanîya Apoyî ra yew û bi şehadetê xo bi bêmerg.

Embazê ma Senar qezaya Dêrikî yê Mêrdinî de dadîya xo ra bi û wextê hêrişanê DAÎŞî yê vera Şingal û Rojawanî de tewrê gerîlayan bi. Embazê ma Senarî destpêkî ra heta şehadetê xo pê hîşmendîyêka pîle bi wayîrê pratîkan. Embazê ma Senar pa 3 embazanê ma herêma Avaşînî de bi rayberanê Şerê Şarî yê Şorişgêrî ra yew û tarîxî ser o rêçê xo verda û bi nê hawayî bi çêrê şarê xo.

Ma sere de keyeyanê ercîyayeyan ê embazanê xo Agir, Mahîr, Hozan û Senarî rê pêro şarê welatperwerî yê Kurdîstanî rê serweşîye wazenê. Ma soz danê ke ma do qesasê embazanê xo bîgirê û xeyalanê înan bîyarê ca.''