Merkezê Îrtîbatî û Çapemenîye yê HPGyî derheqê babete de eşkerayîyêke daye. 

Eşkerayîya HPGyî wina ya:

''1ê teşrîna verêne ya 2019î de hêrişêkê hewayî yê artêşa TCyî ya îşxalkere de Herêmanê Pawitişî yê Medya de embazê ma Mazlum (Mazlum Tekdag) şehîd bi. Zanayîşê derheqê nasnameyê embaz Mazlumî de wina yê:

Nameyê Qodî: Mazlum Jiyanda Name û Peyname: Mazlum Tekdag Cayê Bîyayîşî: Amed Maye-Pî: Aysel-Mehmet Tarîx û Cayê Şehadetî: 1ê Teşrîna Verêne ya 2019î / Herêmê Pawitişî yê Medya

Embaz Mazlumo ke neferêko çêr ê têkoşînê ma û ewladêko ercîyaye yê şarê ma bi, tewrê karwanê şehîdan bi û dima xo de hîkayeya pîle verdaye. Embaz Mazlumî domanîya xo de bi mexdûrê dej û zulmî û şagirtê têkoşînî. Amed de mîyanê şarî de têkoşîn kerd, bedelê giranî dayî û seba embazanê xo bi sembolê qerardarîya azadîye. Nê esasî ser o serranê dergan karanê ciwanîye de rolêko aktîf girewt xo ser. Pê coş û rûmetê xo yê gerîla û şorişgêrîye embaz Mazlum seba embazanê xo biyo yew 'ko'.

Embaz Mazlum tradîsyonê têkoşînê Vakurê Kurdîstanî vurna metodêkê cuye û armancêkê pîlî. Wexto ke rejîmê faşîstî yê Tirkîya şorişgêranê xoverdayoxan rê tasfîye ferz kerd, ey zî verê xo da koyanê Kurdîstanî. Koyo ke keyeyo raştikên ê Mazlumî bi, bi serran Mazlumo ciwan, Mazlumê ma, Mazlumê Amedî kerd verarê xo.

Sere de keyeyê ercaye yê embazê ma Mazlumî rê ma pêro şarê Kurdîstanî rê serweşîye wazenê û ma soz danê ke ma do alaya azadîye ya şehîdan bi serkewtişî tacîdar bikerê.''